Followers

Sunday, December 29, 2013

சனிக்கு பரிகாரம் அனுபவ உண்மை


வணக்கம் நண்பர்களே!
                    நமது அலுவலகத்திற்க்கு அருகில் ஒரு அரிசி மண்டி இருக்கிறது அங்கு வேலை பார்க்கும் மூட்டை தூக்கும் தொழிலாளி ஒருவரை சந்திக்கும்பொழுது சார் எனக்கு அடிக்கடி ஜலதோசம் ஏற்படுகிறது வேலை செய்யமுடியவில்லை என்று சொன்னார். அவரின் ஜாதகத்தை பார்க்கவில்லை. ஒருவருக்கு ஜலதோசம் ஏற்படுவதற்க்கு காரணம் சனியின் பாதிப்பு அதிகமாக இருக்கவேண்டும் என்று நினைத்து அவருக்கு ஒரு பரிகாரத்தை பரிந்துரைசெய்தேன்.

உங்களின் கடைக்கு எதிர்பக்கமாக பாய் கடை போட்டு சூப் வியாபாரம் செய்துக்கொண்டிருக்கிறார். நீங்கள் அங்கு சென்று வாரத்திற்க்கு இரண்டு முறை ஆட்டுக்கால் சூப் வாங்கி நல்ல பெப்பர் தூக்கலாக போட்டு குடித்து பாருங்கள் அப்புறம் வராது என்று சொன்னேன். 

அவர் என்னோடு பேசும்பொழுது எனது அருகில் ஒரு சோதிடர் ஒருத்தர் இருந்தார் அவர் என்னிடம் டேய் என்ன நீ இப்படி எல்லாம் பரிகாரம் சொல்லுகிறாய் என்றார். அவர் வேலை பார்ப்பது மூட்டை தூக்குபவர். அவரை போய் சனிக்கு தீபம் ஏற்று காலபைரவருக்கு காவடி தூக்கு என்றால் அவர் அது எல்லாம் செய்வரா அதனால் இப்படி சொன்னேன் என்றேன்.

சரியாக இரண்டு வாரம் சென்று நீங்கள் சொன்னதை செய்தேன். ஆட்டுக்கால் சூப் குடித்தேனோ அன்றில் இருந்து எனக்கு ஜலதோஷம் ஏற்படவில்லை நன்றாக இருக்கிறேன் என்றார். அப்படியே செய்யுங்கள் என்றேன்.


சோதிடரகசியம் 
              ஆடு என்பது மேஷராசியை குறிக்கும். செவ்வாய் சனிக்கு எதிரி அல்லவா அதனால் ஆட்டுக்கால் சூப் செய்து குடித்து பாருங்கள். சனியின் பிரச்சினை தீரும்.

நண்பர்களே இதனை நான் சொல்லுவதால் உங்களுக்கு என் மீது ஒன்று சிரிப்பு வரலாம் அல்லது கோபம் வரலாம் ஆனால் எனக்கு அந்த மனிதனை நோயில் இருந்து காப்பாற்றியது மிகப்பெரிய திருப்தி. நாம் ஒவ்வொரு மனிதனுக்கும் பலனை சொல்லும்பொழுதும் அந்த மனிதனின் நிலையை நாம் கவனத்தில் கொண்டு சொல்லவேண்டும். ஒவ்வொரு மனிதனின் வாழ்க்கையும் அவனை சுற்றி இருக்கும் சூழ்நிலை பொருத்து அவனுக்கு நாம் கொடுக்கும் இந்த மாதிரியான உதவி சரியாக போய் சேரும். இதனை நான் அனுபவத்தில் வைத்து செய்து வருவேன். 

பிரச்சினை வருவது இயற்கை அந்த பிரச்சினையை தீர்க்கும் கலை ஒவ்வொருவருக்கும் வித்தியாசப்படும் அதனை நீங்கள் செயல்படுத்துவதில் தான் வெற்றி இருக்கிறது. அந்த நபருக்கு நான் சோதிடன் என்று தெரியும் ஆனால் நான் செய்த சரியான உதவி என்னை கடவுளாக அவனுக்கு தெரியும். நீங்கள் சோதிடனாக இருக்கவிரும்புகிறீர்களா? அல்லது கடவுளாக இருக்க விரும்புவீர்களா? 

சனியின் தொல்லை சளி தொல்லை அதற்கு பரிகாரம் என்றால் ஆட்டுக்கால் சூப் மட்டுமே இருக்கமுடியும். நீங்கள் செய்து பார்த்துவிட்டு சொல்லுங்கள். இந்த பதிவு சனிக்கு மிகப்பெரிய ஆப்பு. 

அசைவம் சாப்பிடாதவர்களுக்கு கண்டுபிடித்து சொல்லுகிறேன். அதுவரை சனியோடு போராடுங்கள்.

நன்றி நண்பர்களே !

அன்புடன்
ராஜேஷ்சுப்பு.

3 comments:

ஸ்ரவாணி said...

வேறென்னவாக இருக்க முடியும் சார் ... துளசி & தூதுவளை போன்ற மூலிகைகளைத் தவிர /
சரியா ? இல்லையென்றால் சனிக்குக் குருவான காலபைரவரின் எதாவது நெய்வேத்யப் பொருளாக இருக்குமோ ? குருவிற்குக் கட்டுப்பட்டாக வேண்டுமே உங்களைப் போல ...

rajeshsubbu said...

வணக்கம் கண்டுபிடித்து சொல்லுகிறேன். நன்றி

Ganpat said...

Dear Sir,
I have one doubt. When goat represents mesha rasi and Mars is the ruler, If you are suggesting goat leg soup, will it not attract the anger of Mars, if one consumes that soup by killing the goat?