நன்றி ! நன்றி ! நன்றி !

வணக்கம் நண்பர்களே!

                    ஆன்மீக தேடல் நிறைய சிறுவயது முதல் இருந்து வந்தாலும் அதனை தேடி சென்று எடுத்த பொழுது கஷ்டங்கள் நிறைய இருந்தன. அப்பொழுது இது எல்லாம் எதற்க்காக என்று கூட நினைத்தது உண்டு. அந்த கஷ்டங்கள் எல்லாம் இப்பொழுது தான் பலனை தந்துள்ளது. சிறுவயதிலேயே வாழ்க்கையை பற்றி நிறைய ஏக்கங்கள் இருந்தன. என்னடா வாழ்க்கை தனக்கும் பயன் இல்லை அடுத்தவர்களுக்கும் பயன் இல்லை என்று பல முறை நினைத்தது உண்டு.

இப்பொழுது என்னை படைத்த இறைவன் நன்றாக படைத்திருக்கிறான் என்ற எண்ணம் ஏற்பட்டு அவனுக்கு நன்றி சொல்லிக்கொண்டுருக்கிறேன். தற்பெருமையாகவே சொல்லுகிறேன் பல பேர்களின் வாழ்க்கைக்கு ஆணிவேராக இருக்கின்றேன். இந்த வாய்ப்பை கொடுத்த ஆண்டவனுக்கு என்ன சொல்லுவது என்று தெரியவில்லை.

சிறிய பதிவாக கொடுத்தாலும் அதனை விரும்பி படிக்கும் உங்களின் நல் உள்ளங்களுக்கு எப்படி நன்றி சொல்லுவது என்றே தெரியவில்லை. இத்தனை வருடங்கள் கழித்து 1500 ஆவது பதிவை எட்டியுள்ளேன்.

இன்றைக்கு பல நண்பர்கள் படிப்பதற்க்கு காரணம் நீங்கள் தான் நீங்கள் பல பேர்களிடம் ஜாதககதம்பம் என்று ஒன்று இருக்கின்றது என்று சொல்லி அவர்களை படிக்க வைத்தீர்கள். அதற்க்கும் நன்றி.

இன்று நிறைய வேலைகள் இருந்தாலும் அதனை எல்லாம் இரண்டாம்பட்சமாக  வைத்துவிட்டு உங்களுக்கு பதிவுகள் எழுதவேண்டும் என்று நினைக்கிறேன். அதறகு காரணம் மனதிற்க்கு மகிழ்ச்சி தரும் விசயமாக இது இருப்பதால் மட்டுமே எழுதுகிறேன்.

ஆன்மீகவாழ்விற்க்கு சக்தி கொடுத்த குருவிற்க்கும் இந்த நேரத்தில் நன்றியை தெரிவித்துக்கொண்டு. அனைத்திற்கும் காரகம் வகிக்கும் அங்காளபரமேஸ்வரியை வணங்கிங்கொண்டு தொடர்ந்து பல பதிவுகளை தரவேண்டும் என்று வேண்டிக்கொள்கிறேன்.

அனைத்தும் நண்பர்களுக்கும் நன்றியை சொல்லிக்கொண்டு தொடர்ந்து ஆதரவை தாருங்கள். அம்மன் உங்களுக்கு அனைத்து உதவியையும் செய்ய வேண்டிக்கொண்டு தொடர்ந்து எழுதுகிறேன். 

நன்றி நண்பர்களே !

அன்புடன்
ராஜேஷ்சுப்பு.