Followers

Tuesday, July 22, 2014

இராசி அதிபதி


வணக்கம் நண்பர்களே!
                    இன்று ஒரு சோதிடம் பார்த்தேன். அவருக்கு குரு கிரகம் தற்பொழுது எட்டாவது வீட்டில் கோச்சாரப்படி மறைந்து இருக்கிறது. அவரின் ராசிக்கிரகம் மறைவது அவருக்கு பிரச்சினையை தந்துவிடும். அவரும் பிரச்சினையில் இருந்ததால் என்னை தொடர்புக்கொண்டு கேட்டார்.

அவருக்கு உடனே சென்று உங்களின் ராசி அதிபதிக்கு ஒரு அர்ச்சனை மற்றும் தீபம் ஏற்றி வழிப்பட்டு வாருங்கள் என்று சொன்னேன். எந்த ஒரு ஜாதகமாக இருந்தாலும் ராசி அதிபதி கோச்சாரப்படி மறைவது நல்லதல்ல. அவர் பிரச்சினை செய்யாமல் இருந்தாலும் பிற கிரகங்கள் போட்டு தாக்க ஆரம்பித்துவிடும்.

அவருக்கு ஏழரை சனி ஆரம்பிக்க போவதால் அவரை சனிபகவான் மோட்டார் வண்டியில் இருந்து கீழே தள்ளிவிட்டார். சனி பகவான் தான் தள்ளிவிட்டார் என்றாலும் அவருடைய ராசி அதிபதி வலுவிழந்ததால் அவருக்கு பிரச்சினையை எளிதில் தந்துவிட்டது.

எந்த ஒரு ஜாதகமாக இருந்தாலும் உங்களுக்கு பிரச்சினை என்று ஒன்று வந்தால் முதலில் ராசி அதிபதியின் நிலையை நீங்கள் கவனித்து பார்த்தால் முதலிலேயே அந்த பிரச்சினையை சரிசெய்துவிடலாம்.

கோச்சாரப்படி தானே என்று மட்டும் விட்டுவிடாதீர்கள். ராசி அதிபதி அனைத்திற்க்கும் உதவுவார். அவரை வைத்து தான் நிறைய விசயங்கள் நடைபெறும். உங்களுக்கு ராசி அதிபதி மறைந்தாலோ அல்லது வக்கிரம்பெற்று இருந்தாலோ முதலில் நீங்கள் அவருக்கு ஒரு தீபத்தையாவது ஏற்றிவிட்டு வணங்கி வாருங்கள்.

நன்றி நண்பர்களே !

அன்புடன்
ராஜேஷ்சுப்பு.

No comments: