Followers

Tuesday, November 18, 2014

உங்களின் வீடு பகுதி 2


வணக்கம் நண்பர்களே!
                      உங்களின் வீட்டில் துர்சக்திகள் அல்லது துர்ஆத்மாக்கள் இருந்தால் கூட பிரச்சினையை நீங்கள் சந்திக்க தான் வேண்டிவரும். உங்களுக்கு நடக்கும் தசா நல்ல பலனை தந்தால் கூட நீங்கள் அந்த வீட்டில் இருக்கும்பொழுது நீங்கள் சோம்பேறியாக அதே நேரத்தில் கவலையாக உணர்வீர்கள். வீட்டை விட்டு வெளியில் இருக்கும் நேரத்தில் மகிழ்ச்சியாக உணர்வீர்கள்.

உங்களின் ஜாதகத்தை எடுத்துக்கொள்ளுங்கள் அதில் நான்காவது வீட்டை ஆராய்ந்தால் உங்களின் வீட்டைப்பற்றி தெரிந்துக்கொள்ளமுடியும்.நான்காவது வீட்டை பார்க்கும் கிரகத்தையும் ஆய்வு செய்துக்கொள்ளுங்கள். அதே நேரத்தில் சோதிடத்தில் உள்ள விதிகள் அனைத்தையும் ஆய்வு செய்துக்கொண்டு உங்களின் வீட்டைப்பற்றி தெரிந்துக்கொள்ளுங்கள். நான் சொல்லுவது குறைவாக இருக்கும் அந்த தகவல் உங்களுக்கு மிகவும் உபயோகமாக இருக்கும்.

உங்களின் வீடு எப்படி அமையபோகிறது அல்லது அமைந்து இருக்கிறது . உங்களின் வீட்டில் நல்ல சக்தி இருக்கிறதா அல்லது தீயசக்தி இருக்கிறதா என்பதை பற்றி தெரிந்துக்கொள்ளமுடியும்.

வீடு என்று வந்தவுடன் முதலில் அந்த வீடு யார் பெயரில் இருக்கிறதோ அவர்களின் ஜாதகத்தை எடுத்து வைத்துக்கொண்டு பார்த்துக்கொள்வது நல்லது. வீட்டில் நான்கு பெயர்கள் இருந்தால் நாலு பேரின் ஜாதகத்தையும் எடுத்துக்கொள்ள தேவையில்லை.

நிலத்தின் உரிமையாளர் இறந்துவிட்டால் அதாவது உங்களின் தாத்தா பெயரில் நிலம் இருந்து இருக்கும் அவர் இறந்துவிட்டால் வீட்டிற்க்கு யார் தலைவரோ அவரின் ஜாதகத்தை எடுத்துக்கொண்டு பார்த்துக்கொள்ளுங்கள்.

அன்புடன் 
ராஜேஷ்சுப்பு

No comments: