சனி தசா பலன்கள்

வணக்கம்!

          விருச்சிகத்தில் சனி அமர்ந்து தன்னுடைய தசாவை நடத்தினால் எப்படி பலனை தரும் என்பதை இப்பதிவில் பார்க்கலாம்.

செவ்வாயோடு வீட்டில் சனி அமர்ந்து தசா நடத்துவதால் பாதிப்பு வரும் என்று நினைக்கவேண்டாம். பெரிய அளவில் நல்லதை தருவார். பெரிய தொழிலை நிர்வகிக்கும் பண்பை உருவாக்குவார் செவ்வாய். செவ்வாயின் வீட்டில் அமருவதால் சனி பகவான் தன்னுடைய தசாவில் அதே போல் தருவார்.

விருச்சிகத்தில் சனி அமர்ந்தால் திருமணத்திற்க்கு பிறகு நல்லதை எதிர்பார்க்கலாம்.உங்களுக்கு சனி தசாவில் திருமண யோகத்தை கூட கொடுப்பார். திருமணத்தில் இருவருக்கும் கொஞ்சம் சண்டை சச்சரவுகளை உருவாக்கினாலும் காலமாற்றத்தில் அது குறைந்து நல்ல வாழ்வை கொடுப்பார்.

லாட்டரியில் யோகம் அடிக்காதா என்று நினைப்பவர்களுக்கு சனி தசாவில் இப்படி திடீர் யோகங்களை வாரி வழங்குவார். பெரிய அளவில் தொழிலையும் கொடுப்பார். விவசாயத்தொழிலை இந்த காலகட்டத்தில் நீங்கள் தொடங்கினால் பெரிய நிலபுலங்களை வைத்து விவசாயம் செய்ய வைக்கும்.

சனி தசாவில் என்ன பிரச்சினை என்றால் திடீர் சண்டை சச்சரவுகளை அவ்வப்பொழுது விருச்சிகத்தில் இருந்து ஏற்படுத்தவார். செவ்வாய் அவசரம் என்பதால் கொஞ்சம் அமைதியாக இருந்து அனைத்திலும் அமைதி கடைப்பிடித்தால் இந்த சனி தசா நல்ல தசாவாகவே அமையும்.

அன்புடன்

ராஜேஷ்சுப்பு