Followers

Sunday, September 24, 2017

ஜாதகம் சாதகமாக


ணக்கம்!
          இந்தியாவில் உள்ளவர்கள் இருந்தாலும் சரி வெளிநாட்டில் உள்ளவர்களாக இருந்தாலும் திருமணம் என்பதை எப்படியாவது நடத்திவிடுவார்கள்.  தனக்கு என்று ஒரு துணையை தேர்ந்தெடுத்துவிடுவார்கள். 

திருமணம் அனைவருக்கும் நடைபெறுகிறது என்றால் அனைவர்களின் ஜாதகத்திலும் திருமண வீடு நன்றாக இருக்கின்றதா என்றால் கண்டிப்பாக இருக்காது. சொல்லப்போனால் அதுவும் நன்றாக கெட்டுதான் இருக்கும்.

ஒவ்வொரு வீடு எப்படி பாழ்படுகிறதாே அதனைப்போல் திருமணத்தை தரும் ஏழாவது வீடும் கெட்டுவிடுவதும் உண்டு ஆனால் நம்ம மக்கள் அனைத்து கோவிலையும் தரிசனம் செய்தாவது அதனை நிறைவேற்றிக்கொள்கிறார்கள். தனக்கு அவசியம் என்று தேவைப்பட்டால் அதனை போராடி பெறுகிறார்கள்.

ஒவ்வொருவருக்கும் ஒவ்வொரு விசயத்திலும் நாம் ஜாதகத்தை பார்த்துக்கொண்டு நமக்கு தேவையானதை போராடி பெறமுடியும். கோவிலுக்கு செல்லுவது அல்லது பரிகாரம் செய்வது அதற்கு முயற்சி எடுத்தால் கண்டிப்பாக அதனை கிரகங்கள் கொடுக்கும்.

மரணத்தை கூட இப்படி பெறமுடியும் ஆனால் அதனை யாரும் கேட்பதில்லை. கேட்டால் கண்டிப்பாக கிரகங்கள் கொடுக்கும் என்பது தான் கிரகங்களுக்கு உள்ள தனிப்பட்ட அந்தஸ்து. நாம் விரும்பியதை நாம் பெறமுடியும் என்று சொல்லுகிறேன்.

உங்களின் ஜாதகத்தில் நல்லதை எப்படி பெறலாம் என்பதை ஜாதகத்தை நன்றாக கவனித்து அதனை பெறலாம் என்பது தான் உங்களுக்கு சொல்லும் கருத்து. போராட்டம் அதிகமாக நாம் செய்தால் கண்டிப்பாக அது கிடைத்தே தீரும் என்பது தான் இவ்வளவு காலங்கள் நான் கண்ட உண்மை. நமக்கு இது எல்லாம் கிடைக்காது என்று எதனையும் செய்யாமல் இருக்காதீர்கள். எப்படியாவது அது கிடைக்கும் என்று முயற்சி செய்தால் கிடைக்கும். ஜாதகத்தின் வழியில் சாதகமாக வாழ்க்கையை மாற்றலாம்.

அன்புடன்
ராஜேஷ்சுப்பு

அம்மன் வழிபாடு


வணக்கம்!
          நவராத்திரி ஹோமம் தொடர்ச்சியாக நடைபெற்று வருகின்றது. தொடர்ச்சியாக புக்கிங் செய்து வருகின்றனர். அவர் அவர்களுக்கு மற்றும் பங்குக்கொண்ட அனைவருக்கும் ஹோமத்தின் புகைப்படத்தை அனுப்பிக்கொண்டு வருகிறேன். தினமும் அவர்கள் அதனை பார்க்கலாம்.

அக்னியில் செய்யப்படும் அனைத்தும் பல மடங்கு பலனை கொடுக்கவல்லது. அதனால் தான் பூஜை முறையில் வைக்காமல் ஹோமத்தை அளித்தேன். இன்னமும் நாட்கள் இருக்கின்றன. விருப்படுபவர்கள் தொடர்புக்கொண்டு செய்துக்கொள்ளலாம்.

தனியாக ஹோமம் செய்யமுடியாதவர்கள் தொடர்ச்சியாக அம்மன் கோவில் சென்று வழிபாடு செய்துவிட்டு வாருங்கள். நவராத்திரி காலத்தை விட்டுவிடகூடாது என்பதால் இதனை செய்துவிடுங்கள். இத்தனை நாளைக்குள் பல அம்மன் கோவிலை வழிபடவேண்டும் என்று ஒரு கணக்கை வைத்துக்கொண்டு செயல்பட்டால் இது சாத்தியப்படும்.

பரிகாரம் நவராத்திரி முடிந்துபிறகு செய்யப்படும். பரிகாரத்திற்க்கு ஜாதகத்தை அனுப்பவர்கள் அனுப்பலாம். கண்டிப்பாக அனைவரும் இதில் பங்குக்கொண்டு விடுங்கள். ஆறாவது வீடு என்ன செய்யும் என்று உங்களுக்கு நன்றாக தெரியும். உங்களின் ஜாதகத்தை அனுப்பி பரிகாரம் செய்துக்கொள்ளலாம்.

அன்புடன்
ராஜேஷ்சுப்பு

Saturday, September 23, 2017

சோதிடமும் விவசாயமும்


வணக்கம்!
          நம் விவசாயிகள் சோதிடத்தை கணித்து அதற்கு தகுந்தார்போல் விவசாயம் செய்வார்கள். அது தொன்றுதொட்டு வந்த பழக்கம். இதனை இன்றும் கடைபிடித்து வருகின்றனர். ஒரு சிலர் தொடர்ச்சியாக விவசாயத்தில் நஷ்டம் ஏற்பட்டால் அதனை தாக்குபிடிக்க முடியாது என்று எண்ணி சோதிடத்தை பார்த்து அதற்கு தகுந்தார் போல் விவசாயம் செய்வார்கள்.

தற்பொழுது விதைகளை இடும் பருவம். தண்ணீர் வரவில்லை என்றாலும் போர் தண்ணீர் வைத்து விவசாயம் செய்பவர்கள் நெல்விதை இடும் பருவம். நெல் ஊறவைத்து அதனை நாற்றங்காலில் விதைப்பார்கள். 

நெல் ஊறவைக்கும்பொழுது அதனை ஞாயிற்றுகிழமையாக பார்த்து செய்வார்கள். நெல் ஊற வைத்து அதனை விதைப்பது செவ்வாய்கிழமையாக இருக்கும். நெல் ஊறவைக்கும்பொழுது சனி குறிக்கீட கூடாது என்பார்கள். சனிக்கிழமை இடையில் வரக்கூடாது என்பார்கள்.

நம்ம ஆளுங்க சனிக்கிரகம் விவசாயத்திறக்கு உரியது என்று சோதிடர்கள் சொல்லுவார்கள். உண்மையில் சனிக்கிரகம் விவசாயத்திற்க்கு கிடையாது. அனுபவத்தில் சனிக்கிழமையை விவசாயத்திற்க்கு என்று எதற்க்கும் நாங்கள் தேர்ந்தெடுப்பதில்லை.

நெல்லை அவியல் செய்து அதனை அரிசியாக மாற்றுவதற்க்கு  நெல்அவியல் செய்வோம். இதனை நாங்கள் வியாழக்கிழமை மற்றும் ஞாயிற்றுகிழமையை தவிர்த்துவிடுவது உண்டு. ஏன் என்றால் உலகத்திற்க்கு நெல் படைக்கப்பட்ட நாள் வியாழக்கிழமை மற்றும் ஞாயிற்றுகிழமை என்பதால் இதனை தவிர்ப்பது உண்டு.

சோதிடம் தெரியுதோ இல்லையோ அனுபவத்தில் இதனை பின்பற்றி வருபவர்கள் உண்டு. தஞ்சாவூர் பகுதி முழுவதும் இது பயன்பாட்டில் தற்பொழுதும் உண்டு. வெளிமாவட்டத்தில் எப்படி என்பது எனக்கு தெரியவில்லை.

அன்புடன்
ராஜேஷ்சுப்பு

Thursday, September 21, 2017

நவராத்திரி


 வணக்கம்!
          சிறப்பு வாய்ந்த ஹோமம் எல்லாம் இந்த நவராத்திரி காலங்களில் நடைபெறும். அவர் அவர்களின் சக்தி ஏற்ப ஹோமங்களை செய்வார்கள். அம்மனின் முழுமையான சக்தி கிடைக்கவேண்டும் என்பதற்க்காக இதனை செய்வார்கள்.

வடமாநிலங்களில் மிகுந்த செலவு செய்து செய்வார்கள். நமது சக்திக்கு தகுந்தவாறு இதனை செய்துக்கொள்ளலாம். நவராத்திரி ஹோமத்திற்க்கு என்று நாம் செய்யும் ஹோமம் விலை குறைந்த ஒன்று தான். நல்ல பலனை கொடுக்ககூடிய ஒன்று. 

அனைவரும் இதில் பங்குக்கொள்ள வேண்டும் என்பதற்க்காக தான் இதனை குறைந்த விலையில் செய்ய பதிவில் சொல்லிருந்தேன். செலவு எனக்கு இதில் அதிகம் தான். எனக்கு என்று ஒரு ஆயிரம் ரூபாய் மிஞ்சம் அவ்வளவு தான். ஹோமத்திற்க்கு கொடுக்கின்ற பொருளோடு விலை அதிகம். விலையுர்ந்த பொருளை தான் கொடுக்கிறேன்.

ஹோமத்திற்க்கு கொடுக்கின்ற பொருளின் தன்மைக்கு தகுந்தவாறு ஹோமத்தின் பயன் இருக்கும். நம்முடைய விருப்பம் என்ன என்பதை அறிந்து அதற்கு தகுந்தமாதிரியான பொருளை கொடுத்தால் அது நடைபெறும்.

நவராத்திரி நாட்களில் உங்களால் முடிந்தளவுக்கு அம்மன் கோவிலுக்கு சென்று வாருங்கள். சிவன் கோவிலிலும் அம்மன் இருக்கும் அந்த கோவிலுக்கு சென்று வழிபட்டாலும் நல்ல பலன் கிடைக்கும்.


ஆறாவது வீட்டிற்க்கு பரிகாரம் இந்த மாதம் கடைசி வரை நீட்டிக்கப்படுகிறது. ஜாதகத்தை அனுப்பவர்கள் அனுப்பி வைக்கலாம். பரிகாரமும் தொடர்ந்து நடைபெறும்.

அன்புடன்
ராஜேஷ்சுப்பு

Wednesday, September 20, 2017

நவராத்திரி அம்மன் ஹோமம்


வணக்கம்!
          நாளை முதல் நமது அம்மனுக்கு நவராத்திரி ஹோமம் செய்யப்படுகிறது. நவராத்திரி ஹோமத்திற்க்கு என்று நமது நண்பர்கள் ஒவ்வொரு நாளும் காணிக்கை செலுத்தியுள்ளனர். அவர்களின் ஊர்களை மட்டும் தற்பொழுது தெரிவிக்கிறேன். பெயர்களை வெளியிடவேண்டாம் என்று கேட்டுக்கொண்டதால் இதனை செய்கிறேன்.

21/09/2017 வியாழன் டெல்லியை சேர்ந்தவர்
22/09/2017 வெள்ளி கீழ்சேவல்பட்டியை சேர்ந்தவர்
23/09/2017 சனி காஞ்சிபுரத்தை சேர்ந்தவர்
24/09/2017 ஞாயிறு சிங்கபூரை சேர்ந்தவர்
25/09/2017 திங்கள் நெதர்லாண்டை சேர்ந்தவர்
26/09/2017 செவ்வாய் மதுரை சேர்ந்தவர்

பல நண்பர்கள் தங்களின் விருப்பத்தை தெரிவித்து இருக்கின்றனர். அவர்கள் உறுதி செய்த பிறகு தெரிவிக்கிறேன். ஒவ்வொரு நாளும் அம்மனுக்கு என்று சிறப்பு ஹோமம் மற்றும் வழிபாடு நடைபெறுகிறது. அம்மன் ஹோமம் செய்ய விருப்பம் இருப்பவர்கள் தொடர்புக்கொள்ளவும்.

கலந்துக்கொள்ளாதவர்கள் அம்மனை தினந்தோறும் மனதார நன்றாக பிராத்தனை செய்து வாருங்கள். உங்களின் வாழ்வில் நல்லது நடக்கும்.

அன்புடன்
ராஜேஷ்சுப்பு

சூரியன்


வணக்கம்!
          சூரியன் கிரகம் நன்றாக அமைந்தாலே பெரும்பாலும் ஜாதகர் நல்ல நிலைக்கு வந்துவிடுவார். சூரியனின் ஆற்றலை கொண்டு அனைத்து கிரகங்களின் தீமையையும் வென்று மேலே வரமுடியும். இது சோதிட தகவல் என்பதை விட அனுபவத்தில் பார்த்த தகவலாக உங்களிடம் சொல்லுகிறேன்.

சூரியனுக்கு உகந்த நாளாக ஞாயிற்றுக்கிழமையை நாம் விடுமுறை தினமாக அறிவித்து அன்றைய நாளை பொழுதுபோக்கிற்க்கு அல்லது தூங்குவதற்க்கு பயன்படுத்துகிறோம். விடுமுறை அவர்கள் விட்டது அவர்கள் கடவுளை வணங்குவதற்க்கு என்று விட்டு இருக்கின்றார்கள். நாம் அதனை இப்படி பயன்படுத்துக்கொண்டு இருக்கிறோம்.

எல்லா நாளிலும் நேரம் தாழ்த்தி எழுந்தாலும் ஞாயிற்றுக்கிழமை அன்று அதிகாலையே எழுந்து விடவேண்டும். அன்று சூரியனை பார்த்து நமஸ்காரம் செய்யவேண்டும். நமஸ்காரம் செய்யமுடியாவிட்டாலும் பரவாயில்லை வெளியில் வந்து சூரியனை பார்க்காவது செய்யவேண்டும்.

நான் பார்த்த வரை ஞாயிற்றுகிழமை காலையில் யாரும் குளிப்பது கூட கிடையாது. நான் கேட்டது கூட உண்டு ஏன் காலையில் குளிப்பது கிடையாதா என்று கேட்டுருக்கிறேன். தினமும் காலையில் குளித்துக்கொண்டு இருக்கிறோம் இன்று மட்டும் கொஞ்சம் லேட்டாக குளிப்போம் என்று இருக்கிறேன் என்பார்கள்.

நம்ம ஆளுங்க எதனை செய்யகூடாது என்று சொல்லுகின்றார்களாே அதனை செய்வார்கள். எதனை செய்யவேண்டும் என்று சொல்லுகிறோமோ அதனை செய்யமாட்டார்கள். வரும் ஞாயிற்றுகிழமையில் இருந்து மேலே சொன்னதை தவிர்த்துவிட்டு நல்ல வழியை பின்பற்றி சூரியனை பலப்படுத்துங்கள்.

அன்புடன்
ராஜேஷ்சுப்பு

Monday, September 18, 2017

பாக்கியஸ்தானம்


வணக்கம்!
          ஒருவருக்கு பாக்கியம் கிடைப்பது என்பது எது என்றால் அது உலகத்தில் உள்ள எல்லா நாடுகளையும் சுற்றி பார்த்து விட்டு வருவதில்லை. அமெரிக்காவில் குடியுரிமை பெறுவது பாக்கியம் இல்லை. ஒரு குருவிடம் ஆசி பெற்று அனைத்து கோவிலையும் தரிசனம் செய்வது தான் பெரிய பாக்கியம்.

பாக்கியஸ்தானத்தை நம்ம ஆளங்க சொல்லுவது எல்லாம் வெளிநாட்டிற்க்கு செல்வாரா என்பதை மட்டும் பார்த்து சொல்லுவார்கள். பாக்கியஸ்தானம் சொல்லுவது நல்ல குரு கிடைப்பாரா அதன் வழியில் நிறைய கோவிலை தரிசனம் செய்யும் பாக்கியம் கிடைக்குமா என்பதை தான் பார்த்து சொல்லவேண்டும்.

நீங்கள் நினைத்தால் வெளிநாட்டிற்க்கு எளிதில் சென்று வந்துவிடலாம் ஆனால் ஒரு கோவிலுக்கு சென்று வருவது அவ்வளவு எளிதான காரியம் கிடையாது என்பது தான் உண்மையாக இருக்கும். இதனை நீங்களே செய்து பார்த்துவிட்டு சொல்லுங்கள்.

பாக்கியஸ்தானத்தை குரு பார்க்கும்பொழுது அல்லது அதில் நன்மை தரக்கூடிய கிரகங்கள் செல்லும்பொழுது உங்களுக்கு தொட்டது எல்லாம் துலங்கும். எடுத்த காரியம் அனைத்தும் நடைபெறும்.

ஒவ்வொரு காரியமும் உடனே நமக்கு நடக்கவேண்டும் என்றால் பாக்கியஸ்தானம் நன்றாக இருக்கவேண்டும். பாக்கியஸ்தானம் சரியில்லை என்றாலும் ஒரு குருவின் முழுமையான ஆசி இருந்தால் நமக்கு அனைத்தும் நடந்துவிடும்.

அன்புடன்
ராஜேஷ்சுப்பு

Saturday, September 16, 2017

பரிகாரம்


வணக்கம்!
         பரிகாரத்திற்க்கு கடந்தமுறை இலவச பரிகாரம் அறிவித்து இருந்தேன். நிறைய ஜாதகங்கள் வந்தன. இந்த முறை பரிகாரம் கட்டணம் என்று அறிவித்தவுடன் தேவைப்பட்ட ஜாதகங்கள் மட்டுமே வருகின்றன. 

பரிகாரத்திற்க்கு நீங்களே ஏதாவது உதவி செய்துவிடுங்கள் என்று சொல்லிருந்தேன். இதனை எல்லாம் செய்யாமல் இருந்த காரணத்தால் தான் பரிகாரத்திற்க்கு கட்டணம் என்று அறிவித்தேன். அவர்களே அவர்களின் வாழ்க்கையைப்பற்றி கவலைப்படாமல் எதுவும் செய்யாமல் இருந்தால் நாம் என்ன செய்யமுடியும். 

வாழ்வில் நிறைய சாதிக்கவேண்டும் என்பவர்களுக்கு தான் பரிகாரம் எல்லாம் ஆவல் வரும். தன்னை செதுக்கிக்கொள்ள இதுவும் ஒரு சந்தர்ப்பமே என்று நினைப்பவர்கள் இதில் அதிகம் கவனம் செலுத்துவார்கள்.

பரிகாரம் அறிவித்தோம் சம்பாதித்தோம் என்று நினைப்பு என்னிடம் இருந்தால் பரிகாரம் இதில் அறிவிக்கவேண்டியதில்லை. தனியாக சம்பாதித்துக்கொண்டு சென்றுவிடலாம். 

விருப்பப்படுபவர்கள் தங்களால் முடிந்த பணத்தை செலுத்தி பரிகாரத்தை செய்துக்கொள்ள வேண்டுகிறேன். விரைவில் அனுப்பிவிடுங்கள். நவராத்திரி ஆரம்பம் ஆகபோகின்றது அதற்கு முன்னாடி இதனை செய்துவிடலாம்.

அம்மன் பூஜைக்கு பணம் அனுப்பியவர்கள் தங்களின் ஜாதகத்தை இலவசமாக பரிகாரத்திற்க்கு அனுப்பலாம்.

அன்புடன்
ராஜேஷ்சுப்பு

Friday, September 15, 2017

நவராத்திரி ஹோமம்


வணக்கம்!
          ஒவ்வொரு வருடமும் அம்மனுக்கு நவராத்திரி ஹோமம் செய்யப்படும். இதில் நமது நண்பர்கள் தங்களின் விருப்பத்திற்க்காக ஒரு நாள் செய்ய சொல்லுவார்கள். அவர்களுக்கு என்று ஹோமம் செய்யபடுவது உண்டு.

இந்த வருடம் நவராத்திரி 21 ஆம் தேதி ஆரம்பம் ஆகின்றது. இந்த அம்மன் ஹோமத்திற்க்கு ஒரு நாளைக்கு ஒருவருக்கு என்று ஹோமம் செய்யப்படும். அந்த நாள் வேறு யாருக்கும் ஒதுக்கப்படாது. இதில் முன்கூட்டியே நான்கு நபர்கள் பதிவு செய்துவிட்டனர். 

நவராத்திரிக்கு அம்மனுக்கு ஹோமம் செய்வதால் உங்களுக்கு வேண்டியதை அம்மன் கொடுக்கும். அம்மனுக்கு என்று உகந்தநாளாக இந்த நவராத்திரி வழிபாடு இருக்கும். நீங்கள் விருப்பட்டால் இந்த அம்மன் ஹோமத்தில் கலந்துக்கொள்ளலாம்.

கடந்த வருடம் இதற்கு கட்டணம் ஐந்தாயிரம் நிர்ணயிக்க்கப்பட்டது. இந்த வருடம் நான்காயிரம் மட்டும் நிர்ணயிக்கப்பட்டதுள்ளது. விருப்பம் இருப்பவர்கள் இதில் கலந்துக்கொள்ளலாம்.

முதல் நாள் இரண்டாம் நாள் சரஸ்வதி பூஜை மற்றும் விஜயதசமி நாட்களில் புக் செய்யபட்டுள்ளது. மீதி இருக்கும் நாட்களில் தங்களுக்கு விருப்பட்ட நாள்களில் செய்துக்கொள்ளலாம். விருப்படுபவர்கள் காலதாமதம் இல்லாமல் உடனே தொடர்புக்கொள்ளலாம்.

அன்புடன்
ராஜேஷ்சுப்பு

Thursday, September 14, 2017

அம்மன் பூஜை படங்கள் பகுதி 3

ணக்கம்!
          இன்று நடைபெற்ற அம்மன் பூஜை படங்கள்.






அன்புடன்
ராஜேஷ்சுப்பு

அம்மன் பூஜை படங்கள் பகுதி 2

ணக்கம்!
          இன்று நடைபெற்ற அம்மன் பூஜை படங்கள்.






அன்புடன்
ராஜேஷ்சுப்பு

அம்மன் பூஜை படங்கள் பகுதி 1

ணக்கம்!
                      இன்று நடைபெற்ற அம்மன் பூஜை படங்கள்.






அன்புடன்
ராஜேஷ்சுப்பு

Wednesday, September 13, 2017

அம்மன் பூஜை


ணக்கம்!
          நாளை அம்மன் பூஜை நடைபெறும். அம்மன் பூஜைக்கு காணிக்கை செலுத்தியவர்கள்.

சிங்கபூரை சேர்ந்த திரு மயிலப்பன் அவர்கள்
சென்னையை சேர்ந்த திரு இராஜ்கண்ணன் அவர்கள்
நெதர்லாண்டை சேர்ந்த திரு முருகானந்தம் அவர்கள்

காஞ்சிபுரத்தை சேர்ந்த திரு சிவன் அவர்கள்
சென்னையை சேர்ந்த திரு ஹரிஹரன் அவர்கள்
சென்னையை சேர்ந்த திரு சுமார் அவர்கள்

கோயம்புத்தூரை சேர்ந்த திரு வரதராஜன் அவர்கள்
ஒடதுறையை சேர்ந்த மெய்யழகன் அவர்கள்
பெரம்பலூரை சேர்ந்த திரு சத்தியசீத்தாராமன் அவர்கள்
கரூரை சேர்ந்த திரு முத்துகுமார் அவர்கள்

வழக்கம் போல் திரு கிருஷ்ணப்ப சரவணன் அவர்கள்

மற்றும் பல நண்பர்கள் காணிக்கை செலுத்தியுள்ளனர். அம்மன் பூஜை நாளை நடைபெறுவதால் புதிய வேண்டுதலை வைக்கலாம்.

பரிகாரத்திற்க்கு ஜாதகம் அனுப்பவர்கள் உடனே அனுப்பி வைத்துவிடுங்கள். அம்மன் பூஜை முடிந்தவுடன் தொடர்ந்து செய்யப்படும். 

அன்புடன்
ராஜேஷ்சுப்பு

Tuesday, September 12, 2017

பரிகாரம் அறிவிப்பு


ணக்கம்!
          இரண்டு நாள்களுக்குள் அம்மன் பூஜை நடைபெறும். பரிகாரம் அறிவிக்கப்படுகிறது. இதுவரை நாம் பார்த்த ஆறாவது வீட்டிற்க்கு பரிகாரம் செய்யப்படும். முக்கிய கருத்தாக கடன் நோய் எதிரி கணவன் மனைவிக்குள் கருத்து வேற்றுமை மற்றும் வேலை வாய்ப்பு ஆகியவற்றை சேர்த்து பரிகாரம் செய்யப்படும். 

பரிகாரத்திற்க்கு தங்களின் ஜாதகம் மற்றும் தங்களின் குடும்பத்தினர்களின் ஜாதகத்தை அனுப்பி வைக்கலாம். கட்டணம் உங்களால் முடிந்த தொகையை அனுப்பி வையுங்கள். உங்களின் தொடர்பு எண்ணையும் தெரியப்படுத்திவிடுங்கள்.

இலவச பரிகாரம் செய்வதற்க்கு கொஞ்சம் கடினம். இலவச பரிகாரம் செய்தால் அதனை நீங்கள் வெளியில் ஏதாவது செய்துவிடுங்கள் என்று சொன்னால் கண்டிப்பாக அதனை செய்வதில்லை. பிரச்சினை எனக்கு வந்துவிடுகிறது. அதனால் முடிந்தளவு பணத்தை செலுத்தி பரிகாரத்தை செய்துக்கொள்ளுங்கள்.

நல்ல வாய்ப்பாக உங்களுக்கு இந்த பரிகாரம் இருக்கும். உங்களின் வாழ்வில் ஏற்பட்ட மற்றும் ஏற்படபோகின்ற பாதிப்புகளை நிறைய சொல்லிருக்கிறேன். அது வராமல் இருக்கவும் நல்ல வாய்ப்பை பயன்படுத்திக்கொள்ளலாம்.

பரிகாரத்திற்க்கு ஜாதகத்தை அனுப்ப இறுதிநாள் 20/09/2017. உடனே தங்களின் ஜாதகத்தையும் அனுப்பிவிட்டு கட்டணத்தை செலுத்திவிடுங்கள். காலதாமதம் ஏற்படுத்த வேண்டாம்.

ஜாதகம் என்னிடம் இருந்தாலும் உங்களின் ஜாதகத்தை மறுமுறை திருப்பி எனக்கு அனுப்பி வையுங்கள்.

வங்கி விபரம்!

KVB Bank :  Karur Vysya Bank

Branch : Pattukkottai

Name : RAJESH S

Account Type : Savings account.

A/C Number : 1623155000063470

IFSC Code : KVBL0001623

E-Mail ID : payrajeshsubbu@gmail.com

Cell No : 9551155800


அன்புடன்
ராஜேஷ்சுப்பு

கடன் தொந்தரவு


வணக்கம்!
         சந்தித்த பல நபர்கள் பெரும்பாலும் கடன் பிரச்சினையில் சிக்கி தவிப்பராக இருக்கின்றனர். இந்த நாட்டில் இருந்துக்கொண்டு கடனில் இல்லை என்றால் எப்படி சார் என்றும் சொன்னார்கள். நாடு எதுவாக இருந்தாலும் கடன் என்பது வர தான் செய்யும். 

ஆறாவது வீடு என்ற ஒன்று இருப்பதால் கடன் அல்லது நோய் அல்லது எதிரி இப்படி ஏதாவது ஒன்றை கொடுத்துக்கொண்டு இருக்கும். கடன் இருப்பது ஒரு விதத்தில் நல்லது தான் ஏன் என்றால் அது வேறு எதாவது ஒரு பிரச்சினையை கொடுத்துவிடபோகின்றது. 

மிக மோசமான கிரகங்கள் உங்களை தாக்கிக்கொண்டு இருந்தால் கடனை உடனே திருப்பிக்கொடுக்காமல் கொஞ்சம் பொறுமையாக திருப்பிக்கொடுத்தால் ஒரளவு இந்த பிரச்சினையில் இருந்து விடுபடலாம்.

கண்டிப்பாக கொடுக்கபடவேண்டிய கடனாக இருந்தால் அதாவது வட்டி மின்னல் வேகத்தில் செல்லும் நபர்களின் கடன்களை நீங்கள் உடனே கொடுத்து அதில் இருந்து தப்பிப்பது நல்லது. நீங்கள் கொடுக்கவில்லை என்றால் அது உங்களையும் தின்று உங்களின் குடும்பத்தில் உள்ளவர்களையும் தின்ன ஆரம்பித்துவிடும்.

ஆறாவது வீட்டின் தசாவில் கடன் இருந்தால் கடன் கொடுப்பதை தவணை முறையில் சொல்லிக்கொண்டு கடனை திருப்பிக்கொடுங்கள் அது உங்களை காப்பாற்றும். கடன் இல்லாமல் இருக்ககூடாது என்பதால் இதனை சொல்லுகிறேன்.

அன்புடன்
ராஜேஷ்சுப்பு

Monday, September 11, 2017

மாமனார் வீட்டில் பிரச்சினை


வணக்கம்!
         ஆறாவது வீட்டில் புதன் சம்பந்தப்பட்டால் அந்த ஜாதகருக்கு மாமன் வகையில் இருந்து பிரச்சினைகள் வரும். ஒரு சிலருக்கு மாமன் எதிராளியாக வருவார்கள். பொதுவாகவே புதன் கிரகம் மாமனுக்கு காரத்துவம் உடைய ஒரு கிரகமாக இருக்கின்றது. இது ஆறில் சென்று அமர்ந்தால் மாமன் வகையில் இருந்து பிரச்சினை என்று சொல்லலாம்.

இந்த காலத்தில் மாமன் உறவைவிட மாமனாராக வருபவர்களின் உறவு அதிகமாக மதிக்கப்படும் அல்லவா. மாமனார் உங்களுக்கு நல்லது செய்வார் என்று எதிர்பா்ர்த்தால் ஒரு சிலரிடம் இருக்கின்றது. மாமனார் உதவி செய்ய ஆறாவது வீட்டில் புதன்கிரகம் இருக்க கூடாது.

ஒரு வேடிக்கை ஒன்று இருக்கின்றது. அதாவது புதன் கிரகனுக்கு உடைய ராசியான மிதுனராசியை உடையவர்களுக்கு மாமனார் ஒழுங்காக அமைவதில்லை. மாமியார் வீட்டில் சண்டை சச்சரவுகளை உருவாக்கிவிடும். நான் பார்த்தவரை அதிகபடியான மிதுனராசியினர் மாமியார் வீட்டில் அவமதிப்பு நடந்துள்ளது. 

மாமனார் மருமகனோடு சண்டை போடுவார். இது சம்பந்தமே இல்லை என்றாலும் மிதுனராசியினர்க்கு மட்டும் இப்படிப்பட்ட பிரச்சினை இருக்கின்றது. காரணமே இல்லாமல் ஒரு சிலர் முறைத்துக்கொண்டு இருப்பார்கள் அல்லவா. அதற்கு காரணம் மிதுனராசியாக நீங்கள் இருப்பதால் மட்டுமே.

கன்னி ராசியினர்க்கு இந்த பிரச்சினை அந்தளவுக்கு வருவதில்லை. கன்னி ராசியினர்க்கு பலருக்கு அவர்களின் மாமனார்கள் நன்றாக சம்பாதித்து கொடுத்து இருக்கின்றனர். மிதுன ராசினர்க்கு மட்டும் இப்படி இருக்கும் என்பதால் கொஞ்சம் பார்த்து நடந்துக்கொள்ளுங்கள்.

கோயம்புத்தூரில் இருக்கிறேன். சந்திக்க விருப்பம் இருப்பவர்கள் என்னை தொடர்புக்கொள்ளவும். Cell no : 9551155800

அன்புடன்
ராஜேஷ்சுப்பு

முதலாளி தாெழிலாளி


வணக்கம்!
         அவசரவேலை காரணமாக  நேற்று இரவு கோயம்புத்தூர் வந்துவிட்டேன். திருப்பூர் மற்றும் கோயம்புத்தூர் பகுதியில் உள்ளவர்கள் சந்திப்பதாக இருந்தால் உடனே தொடர்புக்கொள்ளவும். இன்று மற்றும் நாளையும் சந்திக்கலாம். 

ஆறாவது வீடு நாம் செய்யும் வேலையும் காட்டும் இடம் என்பது தெரியும். முதலாளி ஒரு சில காலக்கட்டத்திலும் ஒரு சில நேரத்தில் தான் ஒரு தொழிலாளியாக வேலை செய்ய வேண்டிய நிலை அனைவருக்கும் ஏற்படும். தொழிலாளியாக வேலை செய்வதை ஆறாவது இடத்தை வைத்து தான் அவரின் வேலையும் முடிவு செய்யவேண்டும்

முதலாளிகள் தன்னுடைய வேலையை ஒழுங்காக செய்தால் அவரின் தொழிலில் உள்ளவர்கள் அதாவது அவரின் வேலையாட்கள் ஒழுங்காக வேலை செய்வார்கள். முதலாளி ஒழுங்காக வேலை செய்யவில்லை என்றால் தொழிலாளியும் ஒழுங்காக வேலை செய்யமாட்டார்கள்.

தனியார் கம்பெனிகளில் தன்னுடைய கம்பெனி பெரியளவில் தொழில் நஷ்டம் ஏற்படுவதற்க்கு அவர்களின் முதலாளிகள் ஒழுங்காக வேலை செய்யாமல் இருந்த காரணத்தில் தான் இருக்கும்.

அன்புடன்
ராஜேஷ்சுப்பு

Sunday, September 10, 2017

உண்மையான எதிரி


ணக்கம்!

          நமக்கு எதிரி இருந்தால் தான் நம்முடைய வாழ்க்கை போராடவேண்டும் என்ற எண்ணம் வரும். நம்முடைய வாழ்க்கையை மேம்படுத்திக்கொள்ள எதிரி இருக்கவேண்டும். எதிரி இல்லை என்றால் நாம் சோம்பேறியாக தான் இருப்போம்.

எதிரி என்று சொல்லுவது ஒரு நபரை மட்டும் சொல்லவில்லை நமக்கு ஏற்படும் கஷ்டத்தை கூட ஒரு எதிரியாக தான் பார்க்கவேண்டும். நமக்கு ஏற்படும் ஒவ்வொரு தடையும் எதிரியாக தான் பார்க்கவேண்டும். இந்த எதிரி உங்களை சிந்திக்க வைத்து செயல்பட வைக்கும்.

ஜாதகத்தில் ஆறாவது வீட்டு அதிபதி யார் என்று பார்த்து அது எப்படி எதிரியாக வரும் என்று பார்க்கவேண்டும். ஆறாவது வீட்டில் சந்திரன் இருக்கின்றது என்று வைத்துக்கொள்வோம் நம்முடைய மனம் நமக்கு எதிரியாக அமையும். ஆறாவது வீட்டில் புதன் இருந்தால் நாம் எழுதகூடிய எழுத்து நாம் போடும் கையேழுத்து நமக்கு எதிரியாக அமைந்துவிடும்.

இன்றைய காலத்தில் அவனவன் தன் குடும்பம் இருந்தால் மட்டும் போதும் என்று நினைக்கிறான். அடுத்த வீட்டில் கூட பேசுவதில்லை அதனால் எதிரி ஏற்பட வாய்ப்பு இல்லாமல் இருக்கும் நபர்களுக்கு மேலே சொன்ன எதிரிகள் இருக்கும்.

நமக்கு எதிரியாக இருக்கும் விசயகளை நாம் கண்டறிந்து அதனை மீறி எப்படி செயல்பட போகின்றோம் என்று சிந்தித்து செயல்பட்டால் போதும். இதனை கடந்துவிடலாம்.


கோயம்புத்தூர் மற்றும் திருப்பூர் பகுதியில் உள்ளவர்கள் சந்திப்பதாக இருந்தால் தொடர்புக்கொள்ளவும். விரைவில் சந்திக்கிறேன்.


அன்புடன்
ராஜேஷ்சுப்பு

Saturday, September 9, 2017

கேள்வி & பதில்


வணக்கம்!

கேள்வி
 KJ
            One doubt. If kethu gets Guru aspect, then only its Kodiswara Yogam. But you said, if Kethu gets Sanis aspect, its Kodiswara yogam. Please clarify sir. Correct me if i am wrong. 

பதில்
          கேது குருவோடு இணைந்தால் அல்லது பார்த்தால் கோடிஸ்வரயோகம் இருக்காது. சனி கேதுவின் சேர்க்கை தான் கோடிஸ்வரயோகம் இருக்கும். நிறைய ஜாதகங்களை நான் அனுபவத்திலேயே பார்த்து இருக்கிறேன். சனியின் பார்வை அல்லது சனியின் வீட்டில் கேது இருந்த காரணத்தால் பணக்காரர்களாக இருக்கின்றனர்.

மகரத்தில் கேது அமர்ந்தால் அது நாட்டை ஆளூம் தலைவனாக அந்த ஜாதகரை மாற்றும் வல்லமை படைத்தது. ஜாதகர்களின் செயல்பாட்டை பொறுத்து அவர்கள் எதற்க்கு தலைவராக இருப்பார்கள் என்பது அமையும்.

கேது குருவோடு இருந்தால் அது ஆன்மீகவழிக்கு இட்டுச்செல்லும். யாருக்கும் கிடைக்காத வித்தைகள் எல்லாவற்றையும் கற்றுக்கொள்ளும் பாக்கியம் கிடைக்கும். அவர் கற்ற வித்தையை வைத்து வேண்டுமானால் பணம் சம்பாதிக்கலாம். தற்சமயம் ஆன்மீகவாதிகளிடம் அதிக பணபுழக்கம் இருப்பதால் இதனை சொல்லுகிறேன் சோதிட விதி அது கிடையாது.

சனியின் பார்வையில் கேது அல்லது வீட்டில் இருக்கும் நபர்களை நீங்கள் பார்த்தால் நன்றாக செயல்பட சொல்லுங்கள். இயற்கையாகவே அவர்களுக்கு அமைந்தாலும் ஒரு தூண்டுகாேலை போடுங்கள். அவர்கள் பெரியளவில் வந்துவிடுவார்கள்.

அன்புடன்
ராஜேஷ்சுப்பு

விவாகரத்து


ணக்கம்!
          இன்றைய காலக்கட்டத்தில் வாழும் ஆண்களும் சரி பெண்களும் சரி தொண்ணூறு சதவீதம் பேர் விவாகாரத்து மனநிலையில் தான் வாழ்கின்றார்கள். கோர்ட்க்கு செல்வது பத்து சதவீதம் பேர் செல்கின்றனர்.

என்ன இப்படி சொல்லுகின்றீர்கள் என்று கேட்கலாம். இல்லறத்தில் இருப்பவர்கள் எதையாவது ஒரு காரணத்தை காட்டிக்கொண்டு தான் வாழ்க்கின்றார்களை தவிர அவர்களின் மனதிற்க்கு பிடித்து வாழ்வது குறைவு.

ஏதோ திருமணம் செய்துக்கொண்டோம் ஏதோ வாழ்கிறோம் என்று வாழ்கின்றனர். மனரீதியாக வெளியில் பல காரணங்கள் சொல்லப்பட்டாலும் ஒரே காரணம் மட்டுமே என்னால் சொல்லமுடியும் அது ஒவ்வொரு ஜாதகத்திலும் ஆறாவது வீட்டின் அடி அதிகமாக வெளிப்படுவதால் தான் இப்படி நடக்கிறது.

ஒருத்தருக்கு விவாகாரத்து என்பது சட்டப்படியாக வெளியே காட்டாவிட்டாலும் மனரீதியாக பல பாதிப்புகளை ஆறாவது வீடு கொடுத்துவிடுகிறது. ஒரு சிலருக்கு கோர்ட்க்கு அழைத்துக்கொண்டு சென்றுவிடுகிறது.

முக்கால்வாசி பேரை பூர்வபுண்ணியம் காப்பாற்றுகிறது என்பது தான் உண்மை. அதாவது அவர்களின் குழந்தைகளுக்காக தான் பலர் வாழ்ந்துக்கொண்டு இருக்கின்றனர். குழந்தைகளை கொடுப்பது பூர்வபுண்ணியம் அல்லவா. ஆறாவது வீட்டின் பாதிப்பை அதிகளவில் குறைப்பது ஐந்தாவது வீடு.

அன்புடன்
ராஜேஷ்சுப்பு

Friday, September 8, 2017

உதாரண ஜாதகம்:: ஆறு கொட்டிய பணம்


வணக்கம்!
          மேலே உள்ள படம் ஒரு உதாரண ஜாதகம். இவர் ஒரு அரசாங்க ஊழியராக இருந்தவர். இவர் ஜாதககதம்பத்தின் வாடிக்கையாளர் கிடையாது. ஒரு நபரால் எனக்கு அறிமுகமானவர் என்பதை முதலில் சொல்லிவிடுகிறேன். ஜாதககதம்பத்தில் வரும் ஜாதகங்களை உதாரண ஜாதகமாக எடுத்து பதிவில் எழுதுவது கிடையாது. பழைய பதிவில் சொன்ன விதி உங்களின் ரகசியங்கள் காக்கப்படும் என்பது இதுவரை பின்பற்றி வருகிறேன்.

லக்கினம் ரிஷபம். லக்கனத்தில் சனி மற்றும் மாந்தி அமர்ந்திருக்கிறது. லக்கினாதிபதியான சுக்கிரன் இரண்டாவது வீட்டில் அமர்ந்திருக்கிறார். தனவீடு என்று சொல்லக்கூடிய வீட்டில் இருக்கிறார். சுக்கிரன் ஒன்றாவது வீட்டிற்க்கும் ஆறாவது வீட்டிற்க்கும் அதிபதி அவர் இரண்டில் அமர்ந்திருக்கிறார்.

லக்கினாதிபதியோடு சூரியன் செவ்வாய் மற்றும் புதனோடு அமர்ந்திருக்றார்கள். லக்கினாதிபதி பல வீட்டிற்க்கு தொடர்பு வந்துவிட்டது. தனஸ்தானம் சுகஸ்தானம் பூர்வபுண்ணியம் களத்திரம் மற்றும் விரைய வீட்டு அதிபதியோடு தொடர்பு.

இவர் அரசாங்கவேலை சுக்கிரனின் தசாவில் வாங்கியிருக்கவேண்டும். சுக்கிரன் தசா சூரியபுத்தியில் வாங்கியிருக்கவேண்டும் அதனைப்பற்றி அவரிடம் நான் கேட்கவில்லை. எனது கணிப்பு அது.

இவர் என்ன செய்வார் என்றால் சுக்கிரனின் தசாவில் இவர் அதிகபடியான சொத்துக்களை சேர்த்துவிட்டார். தனவீடு ஆறாவது வீடு சம்பந்தபட்டதால் இவர் சம்பளத்தை விட லஞ்சம் வாங்குவதில் அதிக கெட்டிகாரனாவார். 

திருட்டுபுத்தி எப்படி வந்திருக்கும் என்றால் சனி மற்றும் மாந்தி லக்கனத்தோடு தொடர்பு. சுக்கிரன் ஆறாவது வீட்டு தசாவாகவும் வேலை செய்வார். இதன் வழியாக தான் திருட்டு புத்தி வந்திருக்கவேண்டும். லஞ்சம் என்பது ஒரு வகையில் திருட்டு தானே.

நிறைய பணத்தை சம்பாதித்தார் என்று தான் சொல்லவேண்டும். குரு கிரகத்தை பாருங்கள். எட்டில் அமர்ந்திருந்து சொந்த வீட்டில் இருந்து இரண்டாவது வீட்டை பார்க்கிறது. குரு கிரகம் எட்டாவது வீடு மற்றும் லாபஸ்தான அதிபதியாகவும் இருக்கிறார். பணம் கொட்டு கொட்டு என்று கொட்டும் அல்லவா. மறைவுஸ்தான அதிபதிகளின் பங்கு மிகுதியாக இருக்கின்றது. சம்பந்தமே இல்லாமல் பணம் சம்பாதிப்பது என்றால் மறைவுஸ்தான அதிபதிகளின் ஒத்துழைப்பு அதிகமாக இருக்க வேண்டும். இவருக்கு அதிகமாகவே இருக்கின்றது.

ராகு கிரகத்தை பாருங்கள். ராகு பாக்கியஸ்தான இடத்தில் இருக்கின்றார். கண்டிப்பாக பல மொழிகாரர்களிடம் இருந்தும் பணம் வந்துவிடும். இதனை தோஷம் என்று அழைப்பதை விட நல்ல யோகம் என்று சொல்லலாம்.

கடக ராசியைப்பற்றி சொல்லலேண்டும். கடக ராசிக்கிட்ட பணம் கொடுத்தால் அது திரும்பி வரவே வராது என்பது தான் உண்மை. பணத்தை சுருட்டிக்கொண்டு சென்றுவிடுவார்கள். அவர்களை தேடி கண்டுபிடிப்பதை பெரிய வேலையாக தான் இருக்கும். இவர் கடக ராசி. எத்தனை பேரிடம் வேலை செய்துக்கொடுக்கிறேன் என்று வாங்கினார் என்பது ஆண்டவனுக்கு தான் வெளிச்சம்.

சனியின் பார்வை சந்திரன் மற்றும் கேதுவிற்க்கு. மனக்காரகனுக்கு சனியின் பார்வை கிடைத்தால் குறுக்குபுத்தி வரும். கேதுவிற்க்கு சனியின் பார்வை கிடைத்தால் கோடிஸ்வரயோகம் வரும்.  இவர்க்கு கோடிஸ்வரயோகம் வந்தது. 

பணம் நிறைய வந்தால் ஒருவனை சும்மா இருக்க வைக்குமா ஊரில் உள்ள வில்லகத்தை எல்லாம் இழுத்துக்கொண்டு வருவார்கள். இவர்க்கு சுக்கிரனின் தசா சுகபாேகத்திற்க்கும் குறைவில்லை. போகவீட்டோடு சம்பந்தப்படுவதால் அதற்கும் குறைவில்லாமல் இருந்திருப்பார்.

சுக்கிரனோடு செவ்வாய் சூரியன் சம்பந்தப்படுவதால் கொஞ்சம் அடிதடியும் உண்டு. நில தகராறில் ஒரு அடிதடியும் நடந்தது என்று சொல்லிருக்கிறார். அது பெரியளவில் செல்லலாமல் பஞ்சாயத்து செய்து முடிந்துவிட்டது. புதன் சம்பந்தப்படுவதால் ஏதாவது வில்லங்க டாக்குமெண்டில் இந்த சண்டை சச்சரவு செய்து இருக்கலாம்.

ஒருவரை நல்ல வழியிலும் சரி கெடுதல் வழியிலும் சரி நன்றாக தூக்கிவிடுவதற்க்கு கிரகங்களின் அமைப்பை பொறுத்து தான் இருக்கின்றது. இவருக்கு அமைந்த கிரகத்தை வைத்து சொல்லுகிறேன் இவரின் வாழ்க்கை பெரியளவில் சென்றதற்க்கு ஆறாவது வீட்டு அதிபதியின் நிலை மற்றும் அந்த தசா மிக மிக முக்கியபங்கு வகித்தது.

எனக்கு தெரிந்த சோதிடத்தை வைத்து சொல்லிருக்கிறேன். நன்றாக பார்ப்பவர்கள் நிறைய சொல்லலாம். நாமும் கூட நிறைய சொல்லலாம் நேரத்தை உணர்ந்து இத்தோடு முடிக்கிறேன்.

அன்புடன்
ராஜேஷ்சுப்பு

வாழ்நாள் முழுவதும் நோய்


ணக்கம்!

          ஒரு மனிதன் நோயோடு வாழ்க்கையை கழிக்கவேண்டும் என்றால் அது அவ்வளவு எளிதான ஒரு காரியமாக இருக்காது. அந்தளவுக்கு அவன் கஷ்டத்தை அனுபவித்து இருப்பான். வாழ்க்கை முழுவதும் பலர் நோயால் கஷ்டப்படுபவர்களும் இருக்கின்றனர்.

சோதிடமே முன்ஜென்மத்தின் பாவம் புண்ணியத்தை அடிப்படையாக கொண்ட ஒன்று தானே. முன்ஜென்மத்தில் ஒருவர் அதிகமாக பாவத்தை செய்து இருந்தால் அவருக்கு நிறைய கஷ்டங்கள் வரும் என்பது தெரிந்த ஒன்று.

ஒருவருக்கு முன்ஜென்மத்தில் அதிக பாவம் இருந்தால் அவருக்கு ஆறாவது வீட்டோடு லக்கினாதிபதி தொடர்பு இருக்கும். ஆறாவது வீட்டோடு லக்கினாதிபதி தொடர்பு இருந்தால் அவருக்கு நோய் இருந்துக்கொண்டே இருக்கும்.

ஆறாவது வீட்டு அதிபதி லக்கினத்தில் இருந்தாலும் இந்த பிரச்சினை இருக்கும். இப்படி யாருக்கு இருக்கின்றது என்றால் பெரும்பாலும் நல்ல பணவசதிகளை உடையவர்களிடம் இப்படிப்பட்ட நோய்கள் இருக்கின்றன. ஒரு சில ஏழைகளுக்கும் இருக்கின்றன. 

ஆறாவது வீட்டு அதிபதியோடு நான்கு கிரகங்கள் இருந்தால் அது படுமோசமான பலனை கொடுக்கும். அதிகப்பட்சம் உள்ள வீடுகள் பாதிக்கப்படுவதால் படுமோசமான பலனை கொடுக்கும். லக்கினாதிபதி மட்டும் சேர்ந்து இருந்தால் பரவாயில்லை வேறு கிரகங்களால் நன்மை வந்து சேரும்.

அன்புடன்
ராஜேஷ்சுப்பு

ஆறாவது வீட்டு தசா


வணக்கம்!
          ஒருவருக்கு ஆறாவது வீட்டு தசா நடந்தால் அந்த வீட்டில் சண்டை சச்சரவுக்கு குறைவில்லாமல் இருக்காது. எந்த நேரமும் ஏதாவது ஒரு காரணத்திற்க்கு சண்டை இருந்துக்கொண்டே இருக்கும். சண்டை இல்லை என்றாலும் வாய் சத்தம் அதிகமாக இருக்கும்.

அக்கம்பக்கத்தில் இருப்பவர்களுக்கு வேடிக்கையாகவே அவர்களின் குடும்பத்தில் உள்ள சண்டை சச்சரவு இருக்கும் என்று சொல்லலாம். சண்டை சச்சரவால் நீண்ட காலத்திற்க்கு அவர்களின் சொந்தங்கள் எல்லாம் பிரிந்து செல்வதற்க்கும் வாய்ப்பு உண்டு.

நிறைய குடும்பத்தில் பார்த்தால் அவர்களின் அண்ணன் தம்பிக்கு கூட பேசாமல் இருந்துக்கொண்டே இருப்பார்கள். இறப்பில் கூட பங்குக்கொள்ளாதவர்களாக இருப்பார்கள். ஆறாவது வீட்டு தசா முடியும் வரை இப்படி இருக்கும்.

சண்டைக்கு காரணமாகவே ஆறாவது வீடு இருப்பதால் சண்டை சச்சரவுகளை கிளப்பிவிடும். படித்தவர்களாக இருந்தால் கூட இப்படிப்பட்ட சண்டை சச்சரவுகளை போட்டுக்கொண்டு இருப்பார்கள். 

ஆறாவது வீட்டு தசா நடந்தால் நீங்கள் பேசும்பொழுது வாய் மூடி பேசவும். கொலை விழுந்தால் கூட பேசகூடாது. உக்கிரமாக இருக்கும் அம்மனை வணங்கி கொண்டு வருவது நல்லது.

அன்புடன்
ராஜேஷ்சுப்பு

Thursday, September 7, 2017

குரு

ணக்கம்!
          குரு பெயர்ச்சி பலருக்கு நல்ல விசயத்தையும் ஒரு சிலருக்கு மோசமான பிரச்சினையும் தந்து இருக்கின்றது. குரு நன்றாக இருப்பவர்கள் சுப நிகழ்ச்சி வீட்டில் நடைபெறும். குரு நன்றாக இருந்தால் உடனே சுபநிகழ்ச்சிக்கு ஏற்பாடு செய்யுங்கள்.

கோச்சாரப்பலன் பெரியளவில் நன்மை தராது என்றாலும் குரு பெயர்ச்சி மட்டும் சுபநிகழ்ச்சிக்கு அதிகம் பலனை கொடுப்பதால் உங்களின் வீட்டில் திருமணம் வீடு கட்டுதல் போன்ற சுபநிகழ்ச்சியை ஏற்பாடு செய்யுங்கள்.

தீமை தரும் நிலையில் குருபெயர்ச்சி உங்களுக்கு இருந்தால் உடனே குருவுக்கு அர்ச்சனை மற்றும் வழிபாடு செய்துக்கொள்ளுங்கள். இந்த தகவலை ஏற்கனவே நான் சொல்லிருந்தாலும் மறுமுறை சொல்லுவதற்க்கும் காரணம் இருக்கின்றது.

குரு ஐந்தாவது மற்றும் ஒன்பதாவது வீட்டின் பலனை அதிகம் கொடுக்ககூடிய ஒரு கிரகம். பூர்வபுண்ணியமும் பாக்கியஸ்தானமும் அடிபடகூடாது என்பதால் இதனை மறுமுறை உங்களிடம் சொல்லுகிறேன்.

அம்மன் பூஜை விரைவில் நடைபெற உள்ளதால் அம்மன் பூஜைக்கு காணிக்கை செலுத்துபவர்கள் உடனே செலுத்த அன்போடு கேட்டுக்கொள்கிறேன்.

அன்புடன்
ராஜேஷ்சுப்பு

Wednesday, September 6, 2017

துணைவரின் செலவு


வணக்கம்!
          உங்களுடைய மனைவி அல்லது கணவன் எப்படி வீணாகப்போவார்கள் என்பதை அறிய ஜாதகத்தில் ஆறாவது வீட்டை வைத்து பார்க்கவேண்டும். ஆறாவது வீட்டு அதிபதி அல்லது அந்த வீட்டில் அமரும் கிரகங்கள் அதனை தீர்மானிக்கும்.

ஆறாவது வீடு அவர்களின் மறைமுக வாழ்க்கையை பிரதிபலிக்ககூடிய ஒன்று. இதனைப்பற்றி நிறைய சொல்லலாம். நீங்கள் உடனே சென்று என்ன செய்வீர்கள் உங்களின் ஜாதகத்தை எடுத்து வைத்து எப்படி என்று பார்த்து சந்தேகப்பீர்கள்.

உலகத்தில் பிறந்த ஒவ்வொரு மனிதனுக்கும் ஒரு தனிப்பட்ட வாழ்க்கை இருக்கும். உங்களின் துணைவருக்கும் அது இருக்கலாம் அது மோசமாக போய்விட்டால் தான் பிரச்சினை அதிகமாக மாறிவிடும். ஜாதகத்தை எடுத்துவைத்துக்கொண்டு நோண்டி எடுக்கவேண்டாம். 

ஆறாவது வீட்டின் பலம் என்ன என்பதை சொல்லுவதற்க்கு சொன்னேன். அதோடு ஒன்றை நீங்கள் தெரிந்துக்கொள்ளலாம். அவர்கள் எப்படி செலவு செய்கின்றனர். தேவையில்லாமல் செலவு செய்கின்றனரா என்பதையும் தெரிந்துக்கொள்ளலாம்.

ஆறில் தீயகிரகங்கள் இருந்தால் கண்டிப்பாக அவர்கள் கொஞ்சம் அதிகமாகவே செலவு செய்வார்கள். நான் பார்த்தவரை செலவு செய்கின்றனர் என்று சொல்லலாம். சுபக்கிரகங்கள் இருந்தால் தான் உண்டு தன் குடும்பம் உண்டு என்று வாழ்ந்துவிடுவார்கள்.

சம்பாதிப்பவன் தான் அதிகம் செலவு செய்யமுடியும். சம்பாதிக்காமல் இருப்பவர் எப்படி செலவு செய்யமுடியும். தான் சம்பாதிப்பது தன்னுடைய குடும்பத்திற்க்கே போதாது அந்த நிலையில் அவர் வேலையை மட்டும் பார்ப்பார்.

அன்புடன்
ராஜேஷ்சுப்பு

ஆறாவது வீடு தரும் குடிப்பழக்கம்


ணக்கம்!
          ஒரு செயல் நடைபெறுவதற்க்கு ஒரு தனிப்பட்ட நபர் மட்டும் காரணம் இல்லாமல் அந்த நாடும் அதற்கு தகுந்தார் போல் ஒரு சூழ்நிலையை உருவாக்கினால் அது நடந்து தீரும்.

தமிழ்நாட்டில் மதுக்கடைகள் நிறைய இருந்த காலத்தில் நிறைய பேர் குடிக்கு அடிமையாக இருந்தனர். தற்பொழுது அது கொஞ்சம் குறைந்திருக்கு என்று சொல்லலாம். ஒருவர் குடிக்கு அடிமையாவதற்க்கு ஆறாவது வீடு முக்கியத்துவம் பெறும்.

ஆறாவது வீட்டில் நீர்கிரகங்கள் சம்பந்தப்பட்டு இருந்தால் சம்பந்தப்பட்ட ஜாதகர் குடிப்பார்கள் என்று சோதிடத்தில் சொல்லியுள்ளார்கள். நீர்க்கிரகம் இருந்தால் குடிக்கு அடிமையாகிவிடுவார்கள்.

ஆறாவது வீட்டில் தீயகிரகங்கள் இருந்தாலும் குடிப்பார்கள். சுபக்கிரகங்கள் இருந்தால் அந்த சுபக்கிரகங்கள் ஏதாவது ஒரு காலக்கட்டத்தில் தீயக்கிரகங்களோடு சேரும் காலத்தில் குடிப்பார்கள். அதுவும் கொஞ்சம் காலம் தான் இருக்கும் அதன் பிறகு மாறிவிடுவார்கள்.

சந்திரன் நன்றாக இல்லை என்றால் குடிக்க ஆரம்பிப்பார்கள். மனப்பிரச்சினைக்கு தானே நிறைய பேர் குடிக்கின்றார்கள். ஆறாவது சம்பந்தப்படாமல் ஒருவர் குடிக்க நினைக்க மாட்டார் என்று சொல்லலாம்.

அன்புடன்
ராஜேஷ்சுப்பு

Tuesday, September 5, 2017

சூரியன்


ணக்கம்!

         ஒரு மனிதருக்கு நோயின் தீவிரம் எந்த நேரத்தில் அதிகமாக இருக்கும் என்றால் அது இரவு நேரத்தில் தான் அதிகமாக இருக்கும். பகல் நேரத்தில் சூரியனின் தாக்கம் அதிகம் இருப்பதால் நோயின் தாக்கமும் குறைவாக தான் இருக்கும்.

ஒரு ஜாதகத்தில் சூரியன் நல்ல நிலையில் இருந்தால் அவருக்கு அதிகபடியான நோயின் தொந்தரவு இருக்காது. நோய் அதிகமாக வராது என்று சொல்லலாம். சூரியன் சரியில்லை என்றால் அவருக்கு ஏதாவது ஒரு நோய் வந்துக்கொண்டு தான் இருக்கும் என்று சொல்லாம்.

ஆத்மாகாரகன் என்று அழைக்கப்படும் சூரியன் நன்றாக இருந்தால் அவரின் ஆத்மா நன்றாக இருக்கின்றது என்று அர்த்தம். ஆத்மா நன்றாக இருக்கும்பொழுது அதிகமாக நோயையும் அந்த உடலுக்கு செலுத்தவிடாது. 

சூரியனின் ஆற்றல் குறையும்பொழுது அந்த உடலுக்குள் நிறைய வியாதிகளை கொண்டு வந்து கொடுத்துவிடுகிறது. அந்த உடலும் நிறைய போராட வேண்டியுள்ளது. உங்களின் ஜாதகத்தில் சூரியன் நல்ல முறையில் அமர்ந்திருந்தால் நோயைப்பற்றி பயப்பட தேவையில்லை.

நோய்க்கு மருத்துவம் பார்க்கும் மருத்துவனுக்கு சூரியன் நன்றாக இருக்கும்பொழுது தான் அவன் நல்ல மருத்துவனாக இருக்கமுடியும். சூரியன் சரியில்லை என்றால் மருத்துவமும் படிப்பதும் கடினம் மருத்துவதொழிலும் சரியாக இருக்காது.

அம்மன் பூஜைக்கு பணம் செலுத்துபவர்கள் தங்களின் பெயரை எனது இமெயில் அல்லது போனுக்கு தகவலை சொல்லிவிடுங்கள். யார் பணம் அனுக்கின்றனர் என்று பல நேரத்தில் தெரிவதில்லை. கொஞ்சம் கஷ்டபடாமல் பெயரை தெரியப்படுத்தவும்.

அன்புடன்
ராஜேஷ்சுப்பு

ஆறில் சூரியன்


வணக்கம்!
          கடந்த மூன்று நாட்களாக பதிவை அதிகம் தரமுடியவில்லை ஒரு சில காரணங்கள் இருந்தன. பதிவு மூன்று நாட்களாக போடக்கூடாது என்று தான் இருந்தேன் தினமும் வருபவர்கள் ஏமாற்றம் அடையகூடாது என்பதற்க்காக பதிவை தந்தேன். இனிமேல் அதிக பதிவுகள் வரும்.

ஆறில் சூரியன் இருந்தால் அது தந்தைக்கும் சம்பந்தப்பட்ட ஜாதகருக்கும் ஆகாது. ஒரு சிலரின் தந்தை இளம்வயதில் விபத்தால் மரணம் அடையவும் வாய்ப்பு அதிகம் இருக்கும். விபத்து நடக்கவில்லை என்றால் ஏதாவது ஒரு நோய் வந்து தாக்கி அவருக்கு பிரச்சினை ஏற்படும்.

சூரியன் ஆறில் இருக்கும் நபர்களுக்கு வருகின்ற நோய் அதிகப்பட்சம் அவர்களின் பரம்பரை வியாதியாக கூட இருக்கலாம். இதயம் சம்பந்தப்பட்ட நோய் அல்லது சர்க்கரை நோய் போன்றவை ஏற்படலாம்.

சூரியன் ஆறில் இருக்கும் நபர்களுக்கு தந்தை வழியில் எதிர்ப்பு அதிகம் வரும். தந்தை வழியில் உள்ளவர்கள் சம்பந்தமே இல்லாமல் சண்டை போடலாம். தந்தை வழியில் உள்ளவர்களோடு விலகி செல்வது நல்லது.

அரசாங்க வழியில் வேலைகள் நடைபெறுவதற்க்கு அதிகாரிகள் பிரச்சினை கொடுப்பார்கள். காலதாமதம் ஆனபிறகு தான் வேலை நடக்கும். பொறுமையாக இருந்து காரியத்தை சாதிக்கவேண்டும்.

அன்புடன்
ராஜேஷ்சுப்பு

Monday, September 4, 2017

நோயை போக்கினால் வாழ்வு


ணக்கம்!
          ஜாதகத்தில் ஒவ்வொரு வீடும் வேலை செய்யும் இதில் தீமைகளை அதிகம் கொடுக்கின்ற வீட்டை பார்த்து நாம் பயப்படுவோம். தீமைகளை அதிகமாக கொடுப்பது எந்த வீடாகவும் இருக்கலாம். எது அதிகம் கொடுக்கின்றது என்பதை அறிந்து அதற்கு தகுந்தார்போல் பரிகாரம் அல்லது ஏதோ ஒன்று செய்து அதில் இருந்து விடுபடவேண்டும்.

ஒரு மனிதனின் வாழ்க்கையில் நோய் வராமல் இறப்பவன் என்பது கோடியில் ஒருத்தராக இருக்கலாம் அவருக்கும் வெளியில் தெரியாமல் ஏதாவது ஒரு நோய் இருக்ககூடும். சோதிடத்தை படிப்பவர்களுக்கு தான் தெரியும் இத்தனை பிரச்சினையை கொடுத்து இதில் ஒருவன் வாழ்கிறானே அதுவே பெரிய விஷயம் என்று புரியும்.

ஒவ்வொரு வீடும் நம்மை அடிப்பதற்க்கு தயாராகவே இருந்துக்கொண்டு இருக்கின்றது என்பது சோதிடம் படிப்பவர்களுக்கு தெரியும். இதில் ஆறாவது வீடு கொடுக்கும் நோயும் நம்மை தாக்கிக்கொண்டு தான் இருக்கின்றது.

நோய் வருகின்றது என்றால் முதலில் அதனை வராமல் தடுக்க வழி செய்யவேண்டும் வந்துவிட்டது என்றால் அதற்கு தகுந்த மருத்துவம் எடுத்துக்கொள்ள வேண்டும். நோய் வந்தபிறகு அதனை தீர்க்காமல் நாம் வைத்திருந்தால் நாம் செய்கின்ற தொழில் அல்லது வேலையில் அதன் பாதிப்பு தெரியும்.

நோயோடு நாம் செயல்பட்டால் அந்த நோயின் தன்மை நம்முடைய தொழிலிலும் காட்டும். உங்களுக்கு இருக்கும் நோயை தீர்த்துக்கொண்டு உங்களின் வேலையில் அல்லது தொழிலில் கவனம் செலுத்தினால் அது வெற்றியை நோக்கி செல்லும்.

ஓணம் பண்டிகை கொண்டாடும் அனைத்து நண்பர்களுக்கும் ஓணம் நல்வாழ்த்துக்கள்.

அன்புடன்
ராஜேஷ்சுப்பு

Sunday, September 3, 2017

ஆறில் இருந்து தசா


ணக்கம்!
          ஒருவருக்கு ஆறில் ஒரு கிரகம் அமர்ந்து அந்த தசா நடந்தால் பொதுவாக நாம் நன்றாக இருக்காது என்று அடித்துவிடகூடாது. ஆறில் இருந்து ஒரு கிரகம் தசா நடைபெற்றால் அது நன்றாகவும் இருக்கின்றது என்பதை பலரின் ஜாதகத்தில் பார்த்து இருக்கிறேன்.

பொதுவாக ஒரு தசா நடந்தால் முதலில் கவனிக்கவேண்டியது. அந்த கிரகத்தை லக்கினமாக வைத்து பலனை சொன்னால் நன்றாக இருக்கும். கிரகம் அமர்ந்திருக்கும் வீடு முதல் வீடாக எடுத்துக்கொண்டு அதன் உட்பிரிவுகளை கணித்து சொன்னால் அது பலன் தருவதை சரியாக சொல்லலாம்.

ஒரு ராசிக்கு நடைபெறும் தசா நாதன் பகையாக இருக்கின்றதா அல்லது நட்பாக இருக்கின்றதா என்பதையும் பார்க்கவேண்டும். இதுவும் ஒரு விதத்தில் நன்றாக வேலை செய்கிறது. பகையாக இருந்தால் பலன் கொடுக்கும்பொழுது கொஞ்சம் சுணக்கம் ஏற்படும்.

ஆறில் அமர்ந்த கிரகம் எந்த வீட்டிற்க்கு எல்லாம் அதிகாரம் படைத்திருக்கிறார் என்பதை பொறுத்தும் பலன் தரும். ஆறில் அமர்ந்த கிரகம் நல்ல பலனை கொடுக்ககூடிய வீட்டிற்க்கு சொந்தகாரர்களாக இருந்தால் நல்ல பலனை நாம் எதிர்பார்க்கலாம்.

ஒவ்வொருவரின் சொந்த ஜாதகத்தை பொறுத்து அவர் அவர்களுக்கும் பலனை தீர்மானிக்கமுடியும். ஆறில் இருந்து தசா நடைபெற்றவர்கள் பலர் நன்றாக இருக்கின்றனர். நிறைய அனுபவத்தில் இதனை நான் பார்த்து இருக்கிறேன்.

அன்புடன்
ராஜேஷ்சுப்பு

Saturday, September 2, 2017

குரு பெயர்ச்சி


ணக்கம்!
          குரு பெயர்ச்சிக்கு என்று நமது நண்பர்கள் பலர் போன் செய்து என்ன செய்யலாம் என்று கேட்டார்கள். கோச்சாரப்பலன்களைப்பற்றி அந்தளவுக்கு பயப்படவேண்டாம் என்று தான் சொல்லுவேன். குரு மோசமான இடத்தில் இருந்தால் மட்டும் கோவிலுக்கு சென்று குரு பகவானுக்கு ஒரு அர்ச்சனை செய்துவிட்டு வரலாம்.

குரு மோசமான இடத்தில் அமர்ந்து அது பெரிய பிரச்சினையை கொடுத்தால் நீங்கள் குருவாக நினைப்பவர்களுக்கு ஏதாவது உதவலாம். அவர்களிடம் ஆசி வாங்கலாம். குரு கிரகமும் குருவும் ஒருவராக தான் இருப்பார்.

பணப்பிரச்சினையை அதிகளவில் கொடுப்பவர் குரு கிரகம். குரு கிரகம் மறைவு ஸ்தானத்தில் அமர்ந்தால் உங்களுக்கு பண விசயத்தில் சுணக்கம் ஏற்படும். பணத்தை முன்கூட்டியே சம்பாதித்து வைத்திருப்பவர்கள் பணத்தை விரையம் செய்யாமல் பார்த்துக்கொள்ளுங்கள்.

குருகிரகம் பிரச்சினை தரும் இடத்தில் இருந்தால் பங்குவர்த்தகம் பக்கம் சென்றுவிடாதீர்கள். ஒரே நாளில் அனைத்தையும் இழந்துவிடுவீர்கள். பொதுவாக நான் பங்குவர்த்தகத்திற்க்கு செல்லாதீர்கள் என்று சொல்லுவேன். குரு கிரகம் மோசமான இடத்தில் இருக்கும்பாெழுது பங்குவர்த்தகம் பக்கம் தலைவைத்து படுக்காதீர்கள்.

குரு பெயர்ச்சிக்கு வழிபாடு என்பது அவர் அவர்களின் குருவை வணங்குங்கள். குரு இல்லை என்றால் வயதில் பெரியவர்களாக இருக்கும் நபர்களுக்கு உதவுங்கள் அதோடு கோவிலுக்கு சென்று குருவை வணங்கிவாருங்கள்.

அன்புடன்
ராஜேஷ்சுப்பு

Friday, September 1, 2017

இனிய தொடக்கம்


வணக்கம்!
          நம்முடைய நண்பர்கள் திருமணத்திற்க்கு என்று பொருத்தம் பார்ப்பார்கள். இவர்களுக்கு குறைந்த கட்டணத்தில் பொருத்தம் பார்த்துக்கொடுத்து கொண்டு இருக்கிறேன். இதில் என்ன ஒன்று என்றால் ஒருவருக்கு முப்பது வயதிற்க்கு மேல் ஆகிவிட்டால் அவர்கள் அதிகம் பொருத்தம் பார்த்துக்கொண்டு இருக்க தேவையில்லை.

வயது ஏற ஏற உங்களுக்கு வரும் வரன்களின் ஜாதகங்கள் குறைந்துவிடும். அதில் உங்களுக்கு சுத்தமான ஜாதகங்கள் எடுத்து கொடுத்தால் இருக்கின்ற ஜாதகமும் போய்விடும் என்பதால் சொல்லுகிறேன். 

ஒரு சில நண்பர்களிடம் வெளிப்படையாகவே சொல்லிருக்கிறேன். 35 வயதிற்க்கு மேல் நீங்கள் எதுவும் பார்க்கவேண்டாம் பெண் அல்லது ஆண் கிடைத்தால் வருகின்ற வரனை வைத்து திருமணம் செய்துக்கொள்ளுங்கள்.

வயது ஏற விடாமல் இளமையில் திருமணத்தை செய்துக்கொள்ளுங்கள். உங்களின் வாரிசுகளுக்கும் இளம்வயதில் திருமணம் செய்து வைத்துவிடுங்கள். வாழ்க்கை சிறக்க இது உதவும்.


அம்மன் பூஜை வரும் வாரத்தில் செய்யப்படும். அம்மன் பூஜைக்கு காணிக்கை செலுத்தபவர்கள் செலுத்திவையுங்கள். அம்மன் பூஜை முடிவடைந்தவுடன் பரிகாரம் அறிவிக்கிறேன். 

அன்புடன்
ராஜேஷ்சுப்பு

Thursday, August 31, 2017

ஆறு தரும் ஏமாற்றம்


ணக்கம்!
          ஆறாவது வீடு ஒரு சில இடத்தில் நம்மை அதிகம் கவிழ்த்துவிடும். வாழ்க்கையில் எப்படியும் ஒரு இடத்தில் நமக்கு வேலை செய்துவிடுவது உண்டு. அதாவது நாம் எங்காே யாரிடம் ஏதாவது ஒரு வகையில் ஏமாந்துவிடுவது உண்டு.

ஏதோ ஒரு விதத்தில் நம்மை ஏமாற்றுபவர்களிடம் சிக்கி ஏமாந்துவிடுவோம்.  ஏதோ ஒன்று ஏமாந்துவிடுவது உண்டு தான். இதில் பங்குவர்த்தம் போன்ற பணவிளையாட்டில் சிக்கி பணத்தை விடுபவர்களும் வருவார்கள்.

ஒரு விதத்தில் நாம் ஏமாறுவது கூட நல்லது என்று தான் தோன்றுகிறது. நம்முடைய கெடுதல் சரிசெய்யப்படுகின்றது என்று சொல்லலாம். நமக்கு வரும் கெடுதல் ஏமாற்றுவிதத்தில் வெளியில் சென்றுவிடும் என்று நினைக்கிறேன்.

பெரிய ஒரு கண்டம் வருகின்றது என்று வைத்துக்கொள்வோம். நமது உயிருக்கு ஆபத்தாக வரும் கெடுதல் ஒரு விதத்தில் பணத்தால் அல்லது ஏதோ ஒரு விதத்தால் சரிசெய்யபட்டுவிடும். உயிர்க்கு வந்த ஆபத்து விலகிவிடும்.

பல நண்பர்களுக்கு இதில் நல்ல அனுபவம் இருக்கும். அனுபவம் இருந்தால் நல்லது தான். அதற்கு காரணம்  இந்த ஒரு விதத்தில் ஆறாவது வீடு வேறு வழியாக வேலை செய்யாது.

அன்புடன்
ராஜேஷ்சுப்பு

Wednesday, August 30, 2017

கேள்வி & பதில்


ணக்கம்!
          ஆறில் குருவைப்பற்றி சொல்லிருந்தீர்கள். அது எனக்கு சரியாக இருக்கின்றது அதற்கு பரிகாரம் என்ன என்று நண்பர் ஒருவர் கேள்வி கேட்டார்.

இதனை பரிகாரம் மட்டும் கொண்டு சரி செய்துவிடமுடியாது. அதற்கு மருந்தையும் சேர்த்து எடுக்கவேண்டும். செரிமானத்தைப்பற்றி சொல்லும்பொழுது செரிக்கவில்லை என்றால் அதற்கு மருந்து தான் தீர்வாக இருக்கமுடியும்.

பரிகாரத்தில் உணவையும் சொல்லுவார்கள். உணவு முறையில் மாற்றத்தை கொண்டு வருவதையும் சொல்லுவார்கள். நீங்கள் உணவு எடுக்கும்பொழுதும் சரியான உணவை எடுக்கவேண்டும் அதன் பிறகு பரிகாரத்தையும் செய்யவேண்டும்.

நம்ம ஆளுங்க பரிகாரம் மட்டும் செய்தால் போதும் என்று இருந்துவிடுவார்கள். உணவை சரி செய்யமாட்டார்கள். உணவையும் சரி செய்யவேண்டும். இரவில் நன்றாக செரிக்க வைக்க என்ன செய்யவேண்டுமாே  அதனை செய்யுங்கள்.

குருவிற்க்கு பரிகாரம் என்று சொல்லுவதை விட உங்களுக்கு ஆன்மீகம் எந்தளவுக்கு வருகின்றது என்று பார்க்கவேண்டும். மறைவுஸ்தானத்தில இருந்து குரு வேலை செய்யும்பொழுது எப்படி வேலை செய்கிறது என்று பார்க்கவேண்டும்.

உங்களின் பூர்வபுண்ணியாதிபதி வீட்டை சரி செய்யவேண்டும். குரு இல்லை என்றால் பூர்வபுண்ணியாதிபதி நன்றாக வேலை செய்தால் எளிமையாக இது இருக்கும் என்று சொல்லுகிறேன். அவர் அவர்களின் ஜாதகத்தை வைத்து முடிவு செய்யலாம்.

அன்புடன்
ராஜேஷ்சுப்பு

கிரிவலம்


ணக்கம்!
          கிரிவலம் எல்லா நாட்களிலும் செல்லலாமா என்று கலைராஜன் அய்யா அவர்கள் கேட்டார்கள்.

சாதாரணமாக செல்லும் மனிதனுக்கு பெளர்ணமி மட்டும் கிரிவலம் செல்லலாம். பிரச்சினையோடு செல்பவர்கள் இருந்தால் அவர்கள் அடிக்கடி செல்லவேண்டும் என்பதால் சாதாரணமான நாளை தேர்ந்தெடுத்து செல்லலாம்.

ஒருவர் அதிகபிரச்சினையில் இருக்கும்பொழுது அவர் ஒரு வருடத்திற்க்கு நூறு தடவை செல்லவேண்டும் என்று ஒரு வேண்டுதல் வைக்கிறார் என்றால் அவர் நாளை பார்த்து செல்லமுடியாது. முடிந்தளவுக்கு எப்படி எல்லாம் செல்லமுடியுமே அந்தளவுக்கு கிரிவலம் செல்லவேண்டும்.

நூறு தடவை கிரிவலம் சாத்தியப்படக்கூடிய ஒன்றா என்று கேட்கலாம். எனக்கு தெரிந்த ஒருவர் ஒரு வருடத்திற்க்கு நூறு தடவை செல்லவேண்டும் என்ற ஒரு வேண்டுகோள் இருந்தது. அவர் ஒரு தடவை சென்றால் இரண்டு முறை கிரிவலம் சென்றுவிடுவார். ஒரு வருடத்தில் நூறு தடவை அவர் சென்றார் அது எனக்கு தெரியும்.

நீங்கள் நூறு தடவை எல்லாம் செல்லவேண்டாம். ஒரு வருடத்திற்க்கு குறைந்த எண்ணிக்கையில் வைத்துக்கொண்டு சென்றால் கூட உங்களுக்கு நல்லது நடக்கும் என்று அண்ணாமலையார் மீது நம்பிக்கையோடு சொல்லுகிறேன். உங்களின் விருப்பம் போல் சென்று வாருங்கள்.

ஒரு நாள் தான் செல்லமுடியும் என்றால் அங்கு விஷேசமாக உள்ள நாட்களை தேர்ந்தெடுத்து செல்லலாம். தனிமையாக செல்லவேண்டும் என்று விருப்பம் இருந்தால் சாதாரணமான நாளை தேர்ந்தெடுத்து செல்லுங்கள்.

அன்புடன்
ராஜேஷ்சுப்பு

எதிரி


வணக்கம்!
         நமக்கு வாய்த்த எதிரிகள் தான் நம்முடைய வாழ்க்கையை வெற்றி பாதையில் செலுத்த உதவியவர்கள் என்று சொல்லலாம். ஒருத்தருக்கு எதிரி நன்றாக அவனை எதிர்க்கும்பொழுது தான் அவன் பெரிளவில் வெற்றி பெறுவான்.

நம்முடைய ஜாதகத்தில் ஆறாவது வீட்டில் உள்ள கிரகங்கள் அல்லது ஆறாவது வீட்டு அதிபதி நமது எதிரியை தீர்மானிக்கிறார். ஆறாவது வீட்டில் சுபகிரகங்கள் இருந்தால் எதிரிகளின் கை நன்றாக ஓங்கும். ஆறாவது வீட்டில் தீயகிரகங்கள் இருந்தால் எதிரிகள் இருக்கமாட்டார்கள்.

ஆறாவது வீட்டில் சுபகிரகங்கள் இருந்தால் கூட ஒரு சிலருக்கு நல்ல வாழ்க்கை அமைவதற்க்கு காரணம் அவர்களின் எதிரிகள் இவர்களின் வாழ்க்கையை தீர்மானிக்கிறார்கள். நல்ல இவர்களை எதிர்த்து இவர்களை நல்ல வேலை செய்ய செய்துவிடுகின்றார்கள்.

ஒருத்தரை துரத்த ஆள் இருந்தால் சோம்பேறியாக இல்லாமல் உழைக்க ஆரம்பித்துவிடுவார்கள். வாழ்க்கையிலும் மேலும் மேலும் உயர்ந்துவிடுவார்கள்.

நீங்கள் பொறுமையாக இருந்து எதிர்பவரை எதிர்த்து நிற்காமல் வாழ்க்கையில் வெற்றி பெறுவேன் என்று நினைத்தால் இது சாத்தியப்படும். எதிர்ப்பவரை அவரைபோல் நானும் எதிர்த்து நிற்பேன் என்று சண்டைப்போட்டால் வீணாகதான் போய்விடுவார்கள்.

அன்புடன்
ராஜேஷ்சுப்பு

மனோசக்தி


ணக்கம்!
          ஒரு பதிவில் இந்தியா சீனா இடையே ஏற்பட்ட பிரச்சினையைப்பற்றியும் அதனை தீர்க்க மனோசக்தி வழியாக தீர்வு காணலாம் என்பதைப்பற்றியும் சொல்லிருந்தேன். தற்பொழுது இரண்டு நாடுகளுக்கம் சுமூகமான தீர்வு ஏற்பட்டு இருக்கின்றது. 

இரண்டு நாடுகளுக்கும் சண்டை ஏற்படும்பொழுது கூட இருநாட்டில் உள்ள வீரர்கள் மல்லுக்கட்டு கட்டிக்கொண்டு தான் இருந்தனர். கையில் உள்ள துப்பாக்கியை எல்லாம் பயன்படுத்தவில்லை. இது ஒரு நல்ல பண்பாடாக இருந்தது.

நான் எழுதியது ஒரு பழைய தகவலை வைத்து இப்படி செய்தால் இது நன்றாக இருக்கும் என்று சொல்லிருந்தேன். அது எப்படி நடந்ததோ தெரியவில்லை ஆனால் நாம் சொல்லியபடி நாம் எழுதியது போல சாதகமாக இருந்தது.

ஒவ்வொரு பிரச்சினைக்கும் ஆன்மீகவாதிகள் தன்னுடைய ஆன்மசக்தியை பயன்படுத்தினால் அது நல்லதாக அமையும் என்பதில் மட்டும் எனக்கு ஒரு கருத்து இருக்கின்றது. அந்த கருத்தை உங்களோடு பகிர்ந்துக்கொண்டேன். தற்பொழுது நடந்ததை கூட நான் சொல்லி மார்தட்டிக்கொள்ளவேண்டும் என்பதற்க்காக சொல்லவில்லை. ஆன்மீகத்தில் இது சாத்தியப்படிக்கூடிய ஒன்று என்று சொல்லுவதற்க்காக சொல்லுகிறேன்.

கண்டிப்பாக இந்த மாதிரியான ஆன்மீகசெயல் செய்வதற்க்கு ஒரு பெரியளவில் ஆன்மீகம் தெரிந்து இருக்கவேண்டும் என்பதில்லை. குருவின் ஆசி முழுமையாக இருக்கவேண்டும் நாம் அவர்க்கு அடிபணிந்து இருந்தால் போதும். இது கிடைத்துவிடும்.

அன்புடன்
ராஜேஷ்சுப்பு