Followers

Sunday, November 19, 2017

உணவு


வணக்கம்!
          சத்துள்ள உணவை பற்றி சொல்லுங்கள் என்று நண்பர் கேட்டுருந்தார். உணவைப்பற்றி நிறைய கருத்துக்கள் பரவலாகவும் ஒவ்வொருவரும் சொல்லிக்கொண்டு இருக்கின்றனர். உங்களின் உடலுக்கு எது நல்ல சத்தாக இருக்கின்றது என்று நினைக்கின்றீர்களோ அதனை சாப்பிடுங்கள் என்று சொல்லுவேன்.

தற்பொழுது தான் இதனை நானே கருத்தில் கொண்டு செயல்பட்டுக்கொண்டு இருக்கிறேன். சோதிடரீதியாக நான் பரிகாரம் செய்கிறேன் என்று சொன்னாலும் சம்பந்தப்பட்டவர்களுக்கு நல்ல சத்துள்ள உணவை சாப்பிடவேண்டும் என்று சொல்லுவது உண்டு.

சோதிடத்தில் கிரகங்கள் வழியாக பிரச்சினை என்று வருகின்றது என்றால் சம்பந்தப்பட்டவர்கள் சாப்பாட்டில் அந்த கிரகத்திற்க்குரிய உணவை எடுக்கவேண்டும் என்று அந்த காலத்தில் சொல்லிருக்கின்றனர். பூஜையோடு சாப்பாட்டிலும் அது கலக்கும்பொழுது உங்களுக்கு விரைவில் பயன் தரும் என்று சொல்லிருக்கின்றனர்.

ஒரு சாதாரணமான நபர்க்கு சுக்கிரனுக்குரிய அத்திபழத்தை ஒரு பீஸ் எடுத்து சாப்பிட்டால் அந்த நாளில் அவர்களுக்கு காம எண்ணம் அதிகரிக்கும். சுக்கிரனின் ஆற்றலை தரக்கூடிய பழத்தை கண்டுபிடித்து அந்த காலத்தில் இதனை சாப்பிடுங்கள் என்று சொல்லிருக்கின்றனர் என்றால் அதனை நாம் பாராட்டியே தீரவேண்டும்.

இந்தியாவை பொறுத்தவரை சத்துள்ள உணவு சாப்பிடுவதில் குறைவாக தான் நாம் இருக்கிறோம். உடல்பலம் இல்லாதவர்களாக நாம் இருக்கிறோம் என்பது தான் உண்மை. உங்களுக்கு எது எல்லாம் சத்து தருகின்றதோ அதனை எல்லாம் நீங்கள் எடுத்துக்கொள்ளுங்கள்.

அன்புடன்
ராஜேஷ்சுப்பு

Saturday, November 18, 2017

நவ அம்மன் (சண்டி) யாகம்


வணக்கம்!
         நவ அம்மன் ஹோமம் தொடர்ந்து நடைபெற்றுக்கொண்டு இருக்கின்றது. ஒன்பது நாட்கள் செய்யப்படுகின்ற ஹோமம் என்பது அவ்வளவு எளிதான காரியம் கிடையாது. தொடர்ச்சியாக செய்கின்ற ஹோமம் என்பது அம்மனின் அருள் இருந்தால் மட்டுமே அது சாத்தியப்படகூடிய ஒன்று.

ஒன்பது நாட்கள் தொடர்ச்சியாக செய்யும்பொழுது பல தடைகளை தாண்டி செய்யவேண்டிய ஒன்று. ஒன்பது நாட்களும் ஒரே மாதிரியான ஒரு மனநிலை உருவாக்கி சம்பந்தப்பட்டவர்களுக்கு செய்யவேண்டும் என்கிற பொழுது அதற்க்காக என்னை தயார்ப்படுத்திக்கொண்டு தான் செய்யவேண்டியுள்ளது.

ஒவ்வொரு நாளும் செய்யும்பொழுது அதன் வீரியம் அதிகமாக வருகின்றது. ஒவ்வொரு நாளும் புகைப்படங்களை பார்த்தே அதனை அறிந்துக்கொள்ளமுடியும். என்னுடைய வாட்ஸ்அப்பில் உள்ளவர்களுக்கு அதனை அனுப்பி வைத்திருக்கிறேன். 

சக்திக்கு தகுந்தமாதிரி என்னை தயார்ப்படுத்தி அதனை செய்யவேண்டியுள்ளது. ஒரு சவாலான காரியத்தை செய்துக்கொண்டு இருக்கிறேன். ஏதோ பணம் கொடுக்கிறார் ஏதோ செய்தோம் என்று இல்லாமல் அவ்வளவு ஈடுபாட்டோடு அதனை செய்கிறேன்.

ஒரு ஆன்மீகவாதியாக இருந்தால் அதன் சக்தியை கண்டிப்பாக அவர்கள் உணர்வார்கள். ஒரு சாதாரணமான நபர்களுக்கு புகைப்படங்களை பார்த்தோ அதனை தெரிந்துக்கொள்ளலாம். அனைவரும் இதில் பங்குக்கொண்டு ஒரு நல்ல சக்தியின் அருளை பெறுங்கள்.

அன்புடன்
ராஜேஷ்சுப்பு

Friday, November 17, 2017

சாமியே சரணம் ஐயப்பா


வணக்கம்!
          ஒவ்வொரு வருடமும் நான் இதனை சொல்லிவருகிறேன். இது என்னால் முடிந்த அறிவுரையை சொல்லுவதற்க்கு மட்டும் இல்லாமல் ஐயப்பனின் அருள் மற்றும் நமது நண்பர்களின் நலத்திற்க்கு சொல்லுவது உண்டு.

ஐயப்பனுக்குரிய விரதத்தை ஒழுங்காக பின்பற்றி வாருங்கள். ஐயப்பன் விரதம் இருக்கும் முறையை சரியாக பின்பற்றினால் நல்ல வாழ்வு கிடைக்கும் என்பது எனது நண்பர்களை பார்த்து தெரிந்துக்கொண்டு இருக்கிறேன். 

ஐயப்பன் மாலையணிந்து இருந்து செல்லும் நண்பர்களிடம் மிகுந்த மரியாதை எனக்கு ஏற்படும். இது சின்ன வயதில் இருந்து அவர்களின் பேரில் ஒரு மரியாதை உண்டு. வருடம் வருடம் இந்த பதிவு எழுதுவது கூட அவர்களுக்கு நான் கொடுக்கும் மரியாதை காரணமாக தான் எழுதுகிறேன்.

ஐயப்பன் கோவிலுக்கு செல்லும்பொழுது நீங்கள் மிகுந்த பத்திரமாக சென்று வாருங்கள். சாலை வழியில் விபத்துகள் நிறைய ஏற்படும் என்பதால் இரயிலில் சென்று வாருங்கள். சாலை வழியில் தான் சென்று வரவேண்டும் என்றால் முடிந்தளவு பகலில் பயணம் சென்று வாருங்கள்.

                                   சாமியே சரணம் ஐயப்பா

அன்புடன்
ராஜேஷ்சுப்பு

சுக்கிரன்


வணக்கம்!
          உடல்நிலையில் அதிக கவனம் கொள்ளவேண்டும் என்று நாம் அடிக்கடி சொல்லிக்கொண்டு வருகிறோம். சுக்கிரனுக்கு என்று நாம் பதிவை எழுதியவுடன் உடலில் உள்ள சக்தியை நிறைய அதிகரிக்கும் பொழுது தான் சுக்கிரன் உங்களிடம் வாசம் செய்யும் என்று சொல்லி வருகிறோம்.

உடல்சக்திக்கு மட்டும் அல்லாமல் உங்களின் உடலில் உள்ள சக்கரங்கள் ஒழுங்காக இயங்கவேண்டும். உங்களின் உடலில் உள்ள சக்கரங்கள் ஒழுங்காக வேலை செய்யவில்லை என்றால் உங்களுக்கு அந்தந்த சக்கரங்களுக்கு தகுந்தமாதிரி தடைகள் ஏற்பட்டுவிடும்.

யாேகா தியானங்கள் செய்யும் நபர்களுக்கு இதனைப்பற்றி நன்றாக தெரியும். நாம் எடுக்கும் சக்திமிகுந்த உணவுகள் வழியாகவும் உங்களின் உடலில் உள்ள சக்கரங்கள் தடையில்லாமல் இயங்க செய்யமுடியும்.

உங்களின் உயிர்சக்தி நீங்கள் எடுக்கும் உணவை சார்ந்தும் இருக்கின்றது என்பது வயது ஏற ஏற உங்களுக்கு புரியும். இதனை அறிந்தவர்கள் தன்னுடைய உடலில் எப்படி சக்தி ஏற்றுவது என்பதை அறிந்து செயல்படுவார்கள்.

ஒருவருக்கு நல்ல உணவு கிடைக்கவேண்டும் என்றாலும் சுக்கிரன் கிரகம் நன்றாக செயல்படவேண்டும். உங்களின் ஜாதகத்தில் சுக்கிரன் சரியில்லை என்றால் நீங்கள் சரியான உணவு எடுக்கமுடியாது.

அன்புடன்
ராஜேஷ்சுப்பு

Thursday, November 16, 2017

சுக்கிரன்+குரு



வணக்கம்! 
          பொதுவாக சுக்கிரனுக்கு குருவுக்கும் அந்தளவுக்கு ஒற்றுமை இருக்காது. இரண்டும் இணைந்து இருந்தால் பலன் கொடுக்கும் என்ன ஒன்று என்றால் அது கொடுக்கும் பலன் நமக்கு அதிகளவு பயன்பெறாமல் செல்லும்.

சுக்கிரன் குரு இணைந்து சுக்கிர தசா நடைபெறுகிறது என்று வைத்துக்கொள்வோம். அந்த நேரத்தில் அவர் பணம் புலங்கும் தொழிலில் இருப்பார் ஆனால் அந்த பணம் அவர்க்கு சொந்தமாக இருக்காது. வேலை பார்ப்பது போல அமைந்து இருக்கும்.

ஒன்றை கொடுத்தால் ஒன்றைக்கொடுக்காது என்பது போல அமைந்து இருக்கும். ஒரு வழியில் பணத்தை கொடுத்தால் மறுவழியில் அதனை செலவு செய்ய வைக்கும். உரு சேராது என்று சொல்லுவார்கள் அல்லவா. அதுபோல வாழ்க்கை ஓடிக்கொண்டு இருக்கும்.

அனுபவத்தில் சுக்கிரன் குரு இணைந்தவர்களை பார்த்து இருக்கிறேன். இவர்கள் புண்ணியம் எல்லாம் செய்வார்கள் ஆனால் அதனால் ஒன்றும் பெரியதாக இவர்களுக்கு அமைந்துவிடாது. ஒரு சிலர் கல்விக்கு கூட தானம் எல்லாம் செய்வதை பார்த்து இருக்கிறேன்.

புண்ணியம் செய்வதிலும் கொஞ்சம் கணக்கு இருந்தால் தான் கலியுகத்தில் ஒருத்தர் வாழமுடியும் என்பதால் இதனை எல்லாம் இவர்கள் பார்த்து செய்யவேண்டும். சுக்கிரன் குரு இணைந்து ஜாதகத்தில் இருப்பவர்கள் கண்டிப்பாக பரிகாரம் செய்யவேண்டும்.

அன்புடன்
ராஜேஷ்சுப்பு

Wednesday, November 15, 2017

சுக்கிரன்+புதன்

ணக்கம்!
          சுக்கிரன் புதன் இணைந்து இருந்தால் அவர்களுக்கு அமையும் வரன் மாமன் வகையில் இருந்து வரும். சுக்கிரன் புதன் இணைவு மாமன் மகள் அல்லது மாமன் பெண் பார்த்து அதன் வழியாக திருமணம் நடைபெறுவது போல அமையும்.

சுக்கிரன் புதன் இணைந்தால் பெரும்பாலும் ஜாதகர் நல்ல இளமை தோற்றத்திலேயே இருப்பார். வயதானால் கூட அவர் இளமையில் இருப்பது போல இருப்பார். ஒரு சிலருக்கு தலை முடி கூட நரை ஏற்படாது.

சுக்கிரன் புதன் இணைந்து இருக்கும் நபர்கள் வியாபாரம் செய்தால் அவர்கள் அழகு கலை சம்பந்தப்பட்ட தொழிலை தேர்ந்தெடுக்கலாம். ஒரு சிலருக்கு பூக்களை விற்பனை செய்யும் தொழில் அமையும். ஒரு சிலர் ஆடைகளை விற்பனை செய்யும் ஏஜென்சி தொழிலையும் செய்வார்கள்.

சுக்கிரன் புதன் இணைந்து இருப்பவர்கள் பேசுவதில் கெட்டிக்காரர்களாக இருப்பார்கள். பெண்களை கவர்ந்து இழுக்கும் பேச்சாற்றல் பெற்றவர்களாக இருப்பார்கள். ஒரு சிலருக்கு பெண்களிடம் பேசினால் வம்பு வரும் ஆனால் இவர்கள் பேசினால் நல்ல அன்பு வரும்.

சுக்கிரன் புதன் இணைந்து இருப்பவர்கள் தங்களின் திறமையால் எந்த தொழில் செய்தாலும் அதில் வாடிக்கையாளர்களை பெற்று சிறந்து விளங்குவார்கள். சுக்கிரன் புதன் கெட்டு அமர்ந்தால் மேலே சொன்னதற்க்கு எதிர்மறையாக அமைந்துவிடும்.

அன்புடன்
ராஜேஷ்சுப்பு

புண்ணியம்


வணக்கம்!
          இரண்டாவது நாளாக நவ அம்மன் ஹோமம் செய்யப்பட்டுவிட்டது. முடிந்தவரை என்னுடைய வாட்ஸ்அப்பில் தொடர்பில் இருப்பவர்களுக்கு படங்களை அனுப்பியிருக்கிறேன். தொடர்ந்து நாளையும் நடைபெறும். 

பல நண்பர்கள் எங்களையும் சேர்த்துக்கொள்ளுங்கள் என்று கேட்கின்றனர். இதில் சேர்த்துக்கொண்டு செய்யவதற்க்கு வேலை இல்லை. இந்த யாகம் செய்வதற்க்கு தேவையான அனைத்து பொருட்களையும் நான் வாங்கிவிட்டேன். இனிமேல் வாங்குவதற்க்கு ஒன்றும் இல்லை. ஒவ்வொருவரும் தனித்தனியாக செய்துக்கொள்ளுங்கள்.

நவ அம்மன் யாகத்தை ஒவ்வொருவரும் வாழ்க்கையில் செய்துக்கொள்ளுங்கள். நாம் ஏதாவது ஒரு புண்ணியகாரியத்தை செய்து வைத்திருந்தால் அது நம்முடைய சந்ததினர்க்கு பெரிய புண்ணியமாக போய்விடும்.

இதனை நான் அனைவருக்கும் செய்வது கூட புண்ணியம் எனக்கும் கிடைக்கும். ஒன்பது நாட்கள் ஒரு குடும்பத்திற்க்கு செய்வது என்பது வெளியில் சென்று நீங்கள் செய்வது சாத்தியமில்லாத ஒன்று. நம்முடைய வாரிசுகளுக்கு இதனை செய்து நல்லதை தேடிவைத்துவிடுங்கள்.

பெரிய தொழில் செய்பவர்கள் எல்லாம் வருடம் ஒரு முறை இதனை பெரிய பொருட்செலவில் செய்கின்றனர். நாம் அவ்வாறு செய்யமுடியவில்லை என்றாலும் ஒரு முறையாவது செய்யவேண்டும் என்று நினையுங்கள். உங்களை தேடி இந்த வாய்ப்பு வந்துவிடும்.

அன்புடன்
ராஜேஷ்சுப்பு

Tuesday, November 14, 2017

சுக்கிரன்+செவ்வாய்


வணக்கம்!
          சுக்கிரன் மற்றும் செவ்வாய் இணைந்து இருந்தால் அவர்களுக்கு நிலங்களுக்கு குறைவில்லாமல் இருக்கும். இரண்டு கிரகங்களும் நல்ல நிலையில் இருக்கும்பொழுது அவர்களுக்கு நிலங்கள் அமையும்.

சுக்கிரன் செவ்வாய் இணைந்தால் அவர்களுக்கு பெரும்பாலும் அண்ணன் மற்றும் தம்பி வகையில் இருந்து வரன் அமைவது போல இருக்கும். இது மாதிரி அமையவில்லை என்றால் அண்ணன் அல்லது தம்பி இவர்களின் ஜாதகத்தை எடுத்து வரன் அமைத்து கொடுப்பார்கள்.

சுக்கிரன் செவ்வாய் இருந்தால் அதிகப்பட்சம் சர்க்கரை நோயால் பாதிக்கப்படுவது போல இருக்கும். வயது ஏற ஏற இரத்த பரிசோதனை செய்துக்கொள்வது நல்லது. மர்மபாகங்களில் ஏதாவது நோய்கள் வருவதற்க்கும் வாய்ப்பு உண்டு.

சுக்கிரன் செவ்வாய் இணைந்து பாதிப்பான பலன்கள் கொடுத்தால் அவர்களுக்கு பெண்கள் மீது அதிக நாட்டம் ஏற்பட்டு அதனால் அலைவது போல இருக்கும். ஒரு சிலருக்கு பெண்கள் வழியில் சண்டை சச்சரவுகளும் அவ்வப்பொழுது ஏற்படும். பெரும்பாலும் காதல் தோல்வி ஏற்படும்.

சுக்கிரன் செவ்வாய் இணைவதால் திருமணத்திலும் சண்டை சச்சரவு ஏற்படும். திருமண வீட்டில் அடிதடி என்று பேப்பரில் படித்திருப்பீர்கள் அல்லவா அவர்களுக்கு எல்லாம் சுக்கிரன் செவ்வாய் இணைவு ஏற்பட்டு இருக்கும்.

ஒரு சில ஜோடிகளுக்கு காவல் நிலையத்தில் வைத்து திருமணம் நடப்பது அல்லது திருமணம் முடிந்து தம்பதினர்களிடம் சண்டை சச்சரவு ஏற்பட்டு காவல்நிலையத்தில் சென்று வருவது எல்லாம் சுக்கிரன் செவ்வாய் இணைவால் நடக்கும்.

அன்புடன்
ராஜேஷ்சுப்பு

விளக்கம்


வணக்கம்!
          இன்று காலையில் நவ அம்மன் யாகம் முதல் நாள் நடைபெற்றுவிட்டது. தொடர்ந்து ஒவ்வொரு நாளும் நடைபெறும். நினைத்தைவிட மிகவும் அற்புத சக்தியை வழங்கியது.  தொடர்ந்து ஒவ்வொரு நாளும் காலையில் நடைபெற்றுவிடும். 

நேற்று பதிவில் சொல்லியவுடன் நிறைய நண்பர்கள் தங்களால் முடிந்த தொகையை அனுப்பலாமா என்று கேட்டனர். தற்பொழுது நடைபெறும் யாகத்திற்க்கு அனைத்து பொருட்களையும் ஏற்கனவே வாங்கிவிட்டேன். தினமும் பூ மட்டும் தான் வாங்கிக்கொண்டு இருக்கிறேன். ஒவ்வொருவரும் கேட்டதே மிகுந்த திருப்தி கொடுத்தது. ஒவ்வொருவரும் தனித்தனியாகவே இதனை செய்துக்கொள்ளுங்கள் என்று தான் சொல்லுவேன்.

ஒரு நாளைக்கு இந்த யாகத்தை செய்துக்கொள்ளலாமா என்று நண்பர்கள் கேட்டனர் அப்படி இதனை செய்யமுடியாது என்பதால் தான் ஒன்பது நாட்கள் செய்கிறேன். ஒரு குடும்பத்திற்க்கு ஒன்பது நாட்கள் தொடர்ந்து செய்யவேண்டும். நவ சண்டி என்பது ஒன்பது என்பதை காட்டக்கூடிய ஒன்று. செய்வதை ஒழுங்காக செய்யவேண்டும் என்பதில் அதிக முனைப்பு காட்டுவேன்.

நான் எதிர்பார்த்தைவிட நிறைய பேர் இதனை செய்ய நினைப்பது வரவேற்கதக்கது. உங்களின் எதிர்பார்ப்புக்கு தகுந்தமாதிரி தான் கட்டணம் வைத்திருக்கிறேன். 

சுக்கிரனைப்பற்றி நிறைய பதிவுகளை தரஉள்ளேன் ஒவ்வொன்றாக இனி பார்க்கலாம். 

சுக்கிரன் உங்களின் ஜாதகத்தில் சரியில்லாத நிலையில் இருக்கின்றது என்று நினைப்பவர்கள் தங்களின் ஜாதகத்தை அனுப்பி விளக்கம் கேட்டுக்கொள்ளலாம். 

அன்புடன்
ராஜேஷ்சுப்பு

Monday, November 13, 2017

நவ அம்மன் யாகம்


வணக்கம்!
          நவ அம்மன்(சண்டி) யாகம் நாளை ஆரம்பம் ஆகின்றது. நவஅம்மன் யாகத்தை எதிர்பார்த்து காத்திருந்தேன். அம்மனிடம் அதற்கு அனுமதி வேண்டி இத்தனை நாட்கள் இருந்தேன். இதனை செய்வதற்க்கு அனுமதி வந்த காரணத்தால் உடனே ஆரம்பம் ஆகின்றது.

வழக்கமாக நான்கு செங்கற்கல்லை மட்டும் யாகம் நடக்கும். தற்பொழுது கொஞ்சம் பெரியதாக செய்கிறேன். யாகத்தை உயர்த்தி செய்யவேண்டும் என்பதற்க்காக சிறிய மேடை அதன் மேல் யாக குண்டம் அமைத்து செய்யப்படுகிறது.

நவ அம்மன் யாகம் அனைவரும் செய்யுங்கள் என்று அழைப்பு விடுத்தேன். பல நண்பர்கள் அதற்க்காக தொடர்புக்கொண்டு கேட்டு வருகின்றனர். அனைவரும் செய்யவேண்டும் என்று நான் விரும்புகிறேன். உடனே தொடர்புக்கொண்டு உங்களின் சந்தேகங்களை கேட்டுக்கொள்ளுங்கள்.

நவஅம்மன் நாளை காலை செய்யபோகிறேன். குறைந்தது இரண்டரை மணி நேரம் அதற்கு மேலும் ஆகும். ஒவ்வொரு நாளும் ஒவ்வொருவிதமான பொருட்களை வைத்து யாகம் செய்யப்படுகின்றது. ஒரு அற்புதமான யாகத்தை செய்யவிருக்கிறோம்.

ஒரு நல்ல விசயத்தை நாம் செய்வதற்க்கு தயக்கம் காட்டாமல் அனைவரும் நாமும் ஒரு முறை இப்படிப்பட்ட யாகத்தை செய்யவேண்டும் என்று முனையுங்கள். கடவுள் அருளால் இந்த வாய்ப்பு உங்களுக்கு அமையும்.

அன்புடன்
ராஜேஷ்சுப்பு

சுக்கிரன்


வணக்கம்!
          சுக்கிரன் ஒரு ஜாதகத்தில் மோசமான பலனை கொடுத்துக்கொண்டு இருக்கின்றது என்றால் அது வாழ்க்கை முழுவதும் மோசமான பலனை மட்டும் தந்துவிடாது. ஒரு சில காலக்கட்டத்தில் அது நல்ல பலனையும் கொடுக்க ஆரம்பிக்கும்.

இளைமையில் சுக்கிரன் மோசமாக இருந்து பலனை கொடுத்தால் அது ஒரு சில காலக்கட்டத்திற்க்கு பிறகு நல்ல பலனை கொடுக்கும். மனிதன் வாழ்க்கை முழுவதும் கஷ்டப்பட்டுக்கொண்டே இருந்துவிடகூடாது என்பதால் அது இயற்கையாகவே மாறி நல்ல பலனை கொடுக்கிறது.

நாம் ஒரு ஜாதகத்தை எடுத்து சுக்கிரன் சரியில்லை என்று நாம் சொல்லிவிடமுடியாது. அவர் அவர்களின் பூர்வபுண்ணியத்தை பொறுத்து மாறிவிடும். நல்ல பலனை கொடுக்க ஆரம்பித்துவிடும். ஒரு சிலருக்கு மட்டும் வாழ்க்கை முழுவதும் எதுவும் கொடுக்காமல் பலிவாங்கும்.

சுக்கிரன் மற்றும் குரு போன்ற கிரகங்கள் புத்தியில் தான் கை வைக்கும். இந்த இரண்டு கிரகங்களும் சரியில்லை என்றால் புத்தி ஒழுங்காக வேலை செய்யாமல் எதிலும் முடிவு எடுக்காமல் சென்றுவிடுவார்கள்.

சுக்கிரன் ஒருவருக்கு அதிகப்பட்சம் மோசமான பலனை தந்தால் அவர் திருமணத்திற்க்கு ஒத்துக்கொள்ளமாட்டார். திருமணம் செய்ய மாட்டேன் என்று சொல்லிக்கொண்டு திரிவார்கள். கடைசி வரை திருமணம் செய்யாமல் பிரம்மசாரியாகவே இருப்பார்கள்.

அன்புடன்
ராஜேஷ்சுப்பு

Saturday, November 11, 2017

நவஅம்மன் யாகம் விளக்கம்


ணக்கம்!
          பல நண்பர்கள் நவஅம்மன் யாகத்தைப்பற்றி கேள்வி கேட்டனர். நவ சண்டி யாகம் என்பதை தான் பெயர் மாற்றி நவ அம்மன் யாகம் என்று சொல்லிருக்கிறேன்.

நவ சண்டி யாகத்தை பெயர் மாற்றி வைப்போம் என்று தான் நவஅம்மன் என்று பெயர் போட்டு இருக்கிறேன். ஒன்பது நாட்கள் என்பது மிகவும் விஷேசமான ஒன்று. அம்மன் என்றாலே ஒன்பது அதுபோல கிரகங்களும் ஒன்பது. ஒன்பது நாட்கள் செய்யப்படும் யாகம் சிறப்பு வாய்ந்த ஒன்று.

ஒரு குடும்பத்தினர்களுக்கு ஒன்பது நாட்கள் செய்கிறேன். அதிகப்பட்சமாக ஒரு வருடத்திற்க்கு பத்து பேருக்கு செய்யலாம். மற்ற வேலைகள் இருப்பதால் இதனை அதிகமாக செய்யமுடியாது. ஒன்பது நாட்கள் ஒதுக்கப்படவேண்டும்.

ஜாதககதம்பத்தில் உள்ளவர்களுக்கு இதனை அறிவித்தது ஒரு சேவை நோக்கத்தில் அறிவித்தேன். நிறைய பேர்கள் தொடர்புக்கொண்டுள்ளனர் என்பது நல்ல விசயம். வெளியில் கண்டிப்பாக இதனை செய்வதற்க்கு குறைந்தது இரண்டு லட்சம் கேட்பார்கள். நான் கேட்ட தொகை சரியாக அதனை செய்வதற்க்கு உள்ள தொகையை கேட்டுள்ளேன். இதனை அனைவராலும் கட்டமுடியும்.

எப்பேர்பட்ட தோஷத்தையும் நீக்கவல்ல ஒரு யாகம் இது. கண்டிப்பாக நல்ல விடை கிடைத்துவிடும். பணக்காரர்கள் மட்டும் செய்யக்கூடிய ஒன்றை அனைவரும் செய்வது போல கொடுத்திருக்கிறேன். நாமும் இதனை செய்யவேண்டும் என்று நினைத்து உடனே தொடர்புக்கொள்ளுங்கள்.

அன்புடன்
ராஜேஷ்சுப்பு

Friday, November 10, 2017

அம்மன் பூஜை படங்கள் பகுதி 3

வணக்கம்!
          இன்று நடைபெற்ற அம்மன் பூஜை படங்கள்.







அன்புடன்
ராஜேஷ்சுப்பு

அம்மன் பூஜை படங்கள் பகுதி 2

வணக்கம்!
          இன்று நடைபெற்ற அம்மன் பூஜை படங்கள்.






அன்புடன்
ராஜேஷ்சுப்பு

அம்மன் பூஜை படங்கள் பகுதி 1

ணக்கம்!
          இன்று நடைபெற்ற அம்மன் பூஜை படங்கள்.




அன்புடன்
ராஜேஷ்சுப்பு

அம்மன் பூஜை


வணக்கம்!
          இன்று அம்மன் பூஜை நடைபெறுகிறது. அம்மன் பூஜைக்கு காணிக்கை செலுத்தியவர்கள்.

சென்னையை சேர்ந்த திரு ராஜ்கண்ணன் அவர்கள். 
நெதர்லாண்டை சேர்ந்த திரு முருகானந்தம் அவர்கள். 
சிங்கபூரை சேர்ந்த திரு மயிலப்பன் அவர்கள். 

காஞ்சிபுரத்தை சேர்ந்த திரு சிவன் அவர்கள். 
சென்னையை சேர்ந்த திரு ஹரிஹாரன் அவர்கள். 
சென்னையை சேர்ந்த திரு சுகுமார் அவர்கள். 

கோயம்புத்தூரை சேர்ந்த திரு வரதராஜன் அவர்கள்.  
ஒடதுறையை சேர்ந்த மெய்யழகன் அவர்கள். 
கரூரை சேர்ந்த திரு முத்துகுமார் அவர்கள். 
பெரம்பலூரை சேர்ந்த திரு சத்தியசீத்தாராமன் அவர்கள். 

வழக்கம்போல் திரு கிருஷ்ணப்பசரவணன் அவர்கள்.

  மற்றும் பல நண்பர்கள் தங்களின் காணிக்கையை செலுத்தியுள்ளனர்.
அம்மன் பூஜை நடைபெறுவதால் அம்மனிடம் வேண்டுதலை வைக்கலாம்.

அன்புடன்
ராஜேஷ்சுப்பு

Thursday, November 9, 2017

நவ அம்மன் யாகம்


ணக்கம்!
          அம்மன் பூஜை முடிவடைந்தவுடன். நவ அம்மன் யாகம் என்ற ஒன்றை நடத்த இருக்கிறோம். நவ அம்மன் யாகம் என்பது நவ சண்டியாகத்திற்க்கு இணையானது. 

ஒன்பது நாட்கள் செய்யப்படும் இந்த யாகம் வாழ்வில் ஏற்படும் எப்பேர்பட்ட பிரச்சினைகளையும் மற்றும் நாம் வாங்கும் சாபம் முன்ஜென்மத்தில் ஏற்பட்ட பாவம் எல்லாவற்றையும் நீக்கி சம்பந்தப்பட்டவர்களுக்கு நல்ல வாழ்க்கையை வழங்கும்.

இதனை கோவில்களில் நவசண்டியாகம் என்று செய்வார்கள். பெரிய கோவில்களிலேயே இதனை மூன்று தினங்கள் மட்டும் செய்வார்கள். ஒன்பது நாட்கள் நடத்துவது மிக மிக குறைவு. பெரிய பொருட்செலவில் இதனை நடத்தவேண்டும் என்பதால் இதனை மூன்று நாட்களில் நடத்தி முடித்துவிடுவார்கள்.

நான் பார்த்த வரையில் கோவில்களில் கடைசி நாள் மட்டும் சண்டிக்கு என்று யாகம் செய்கின்றனர் மற்ற நாட்களில் விநாயகர் மற்றும் மற்ற தெய்வங்களுக்கு யாகம் செய்கின்றனர். நாம் அப்படி செய்யாமல் ஒன்பது நாட்களும் அம்மனுக்கு என்றே செய்ய இருக்கிறோம்.

பெரியளவில் தொழில் செய்பவர்கள் மற்றும் பணக்காரர்கள் அனைவரும் இதனை செய்கின்றனர். வருடத்திற்க்கு ஒரு முறை இதனை செய்கின்றனர். அவர்களுக்கு வரும் சாபத்தை போக்க இதனை செய்வார்கள் ஆனால் அனைவரும் செய்யவேண்டும் என்பது தான் உண்மை.

நாம் ஒன்பது நாட்கள் இதனை செய்ய இருக்கிறோம். நண்பர் கிருஷ்ணப்ப சரவணன் மற்றும் சிங்கபூரை சேர்ந்த திரு மயிலப்பன் அவர்கள் இதனை செய்வதற்க்கு உதவினார்கள்.

வெளி இடங்களில் லட்சக்கணக்கில் இதனை வாங்கிக்கொண்டு செய்வார்கள் அப்படி இல்லாமல் இதனை  மிக குறைந்த விலையில் செய்ய இருக்கிறோம். உங்களால் கொடுக்கும் முடியும் ஒரு கட்டணம் தான் இதற்கு என்று வைத்திருக்கிறோம். ஒன்பது நாட்கள் ஒருவருக்கு என்று இதனை செய்யும்பொழுது கண்டிப்பாக அதிகபடியான நன்மைகளை பெறமுடியும் என்பதையும் இந்த நேரத்தில் சொல்லுகிறேன்.  கண்டிப்பாக எப்படியும் நாம் செய்யவேண்டும் என்று நினையுங்கள். உங்களுக்கான வாய்ப்பு அதுவாகவே அமையும். 

சுக்கிரனால் ஏற்படும் சாபத்திற்க்கு இந்த யாகத்தை செய்துக்கொள்ளலாம். தேவையானவர்கள் என்னை தொடர்புக்கொண்டு இதனைப்பற்றிய விபரங்களை கேட்டுக்கொள்ளுங்கள்.

நவ அம்மன் யாகம் தொடங்கும் தேதியை பதிவில் சொல்லுகிறேன். 

அன்புடன்
ராஜேஷ்சுப்பு

சுக்கிரன் தரும் ஆன்மீகவித்தை


ணக்கம்!
          சுக்கிரன் என்றாலே அது வித்தையும் குறிக்கும் ஒரு கிரகம். வித்தை என்றால் அது ஆன்மீக வித்தை. ஆன்மீகவித்தையை செய்பவர்கள் அனைவரும் சுக்கிரனின் காரத்துவத்தில் வருபவர்களாக தான் இருப்பார்கள்.

முதலில் ஆன்மீகவித்தையை ஒருவர் செய்யவேண்டும் என்றால் அம்மனின் அருள் கண்டிப்பாக வேண்டும். அம்மனின் அருள் இல்லை என்றால் ஆன்மீகவித்தையை ஒருவர் செய்துவிடமுடியாது. அம்மன் சுக்கிரனின் காரத்துவத்தில் தான் வரும்.

ராகுவோடு சேரும் சுக்கிரன் நிறைய ஆன்மீகவித்தையை சம்பந்தப்பட்ட ஜாதகருக்கு கொடுக்கும். ராகு என்றாலே கொஞ்சம் வில்லங்களை கொண்டது தானே. சும்மா இருக்காமல் எதையாவது செய்துக்கொண்டே இருப்பார்கள்.

தேவர்கள் என்றால் அவர் வேலை உண்டு என்று இருப்பார்கள். அசூரர்கள் என்றால் சும்மா இருப்பார்களா  பிறரை வேண்டும் என்றே வம்புக்கு இழுப்பார்கள் அல்லவா. ராகுவோடு சேரும் சுக்கிரன் இப்படிப்பட்ட வேலைகளை அதிகமாக செய்வார்கள்.

ஆன்மீகவித்தை நல்லவழியாக இருந்தால் அது ஓடிக்கொண்டு இருக்கும். தீயவழியை நோக்கி சென்றால் கதை முடிவடைந்துவிடும். கொஞ்சநாளில் அது முடிவடையும். எங்கையாவது சென்று மாட்டிக்கொண்டு விடுவார்கள்.

சுக்கிரனின் காரத்துவத்தில் வருகின்ற வித்தை நல்லவழியிலும் செல்லும். ராகுவோடு மட்டும் சுக்கிரன் சேர்ந்தால் மட்டுமே அது தீயவழிக்கு செல்லும். சுக்கிரன் தனித்து நின்றால் நல்லவழிக்கே ஆன்மீகவித்தையை செய்வார்கள்.

மழை குறைந்துவிட்டது. அம்மன் பூஜை விரைவில் நடத்தப்படும். காணிக்கை செலுத்துபவர்கள் உடனே செலுத்திவிடுங்கள்.

அன்புடன்
ராஜேஷ்சுப்பு

Wednesday, November 8, 2017

சுக்கிரன்

ணக்கம்!
          சுக்கிரன் என்றாலே அது காமசக்தியை குறிக்கும் ஒரு கிரகம் என்று சோதிடத்தில் சொல்லி வைத்திருக்கிறார்கள். காமசக்தி உடலில் குறைய குறைய உங்களுக்கு முதுமை வந்துவிடுகிறது.

குளிர்காலத்தில் நிறைய நோய்கள் வந்துவிடுகின்றன. உடலில் எதிர்ப்பு சக்தி குறைவதால் நோய்கள் வந்துவிடுகின்றன. உண்மையில் காமசக்தி நன்றாக இருந்தால் உடலில் எந்த நோயும் வராது. சுக்கிரன் நன்றாக இருந்தால் உடலில் நோய் வராது என்பதை சொல்லுகிறேன்.

கண் கெட்ட பிறகு தான் சூரிய நமஸ்காரம் என்பது போல நாம் உடல் மீது அதிகம் கவனம் வைக்காமல் இருந்துவிடுகிறோம். நோய் வந்த பிறகு தான் உடல் மீது கவனம் வைக்கவேண்டிய நிலைக்கு தள்ளப்படுகிறோம்.

சுக்கிரனின் சக்தியை ஒருவர் வாழ்நாள் முழுவதும் பெற்றுவிட்டால் அவர்க்கு ஆயுள் அதிகம் என்று சொல்லலாம். சனிக்கிரகம் ஆயுள்கிரகம் என்பது ஒரு பக்கம் இருந்தாலும் ஆயுளை நீட்டிக்க சுக்கிரன் அருள் அளபரிய வேண்டும் என்பது தான் உண்மை. 

நீங்கள் இளம் வயதாக இருந்தாலும் சரி அல்லது வயது அதிகமாக இருந்தாலும் சரி உணவு விசயத்தில் எப்படி இருக்கின்றீர்கள் உங்களுக்கு சுக்கிரனின் அருள் இருக்கின்றதா என்பதை அறிந்துக்கொண்டு செயல்படுங்கள். நீண்ட ஆயுளை பெறுங்கள்.

அன்புடன்
ராஜேஷ்சுப்பு

Tuesday, November 7, 2017

பிரச்சினை உடனே தீர வழி

ணக்கம்!
          ஒரு வேலைக்கு செல்கிறோம் அப்பொழுது தடைகள் வருகின்றன அல்லது ஏதோ ஒரு பிரச்சினை இருக்கின்றது அப்பொழுது எந்த தெய்வத்தை வணங்கலாம் என்று ஒரு கேள்வியை நண்பர் ஒருவர் அனுப்பியிருந்தார்.

இந்த மாதிரியான நேரத்தில் தெய்வ உபாசனை பெற்றவர்களாக இருந்தால் அவர்கள் அவர்களின் தெய்வத்தை வேண்டலாம். குலதெய்வத்தின் அருள் உங்களுக்கு முழுமையாக இருந்தால் குலதெய்வத்திடம் வேண்டலாம்.

மேலே சொன்னதை விட ஒரு ஞானியின் புத்தகம் இருந்தால் அந்த புத்தகத்தை எடுத்து படித்தால் உடனே உங்களுக்கு பிரச்சினை தீரும். புத்தகம் இல்லை என்றால் அவரை உருவத்தை மனதில் நிறுத்தி எனக்கு இதனை தீர்க்கவேண்டும் என்று வேண்டினால் உடனே தீரும்.

ஞானம் அடைந்தவர்களின் ஆசி இருந்தால் அனைத்தையும் நாம் சாதித்துவிடலாம். ஆசி இருப்பதற்க்கு நாமும் ஒழுக்கமானவராக இருக்கவேண்டும். ஒழுக்கமானவராக என்றால் சத்தியத்தை பேசுபவர்களாக இருந்தால் இது எளிதில் உங்களுக்கு கிடைக்கும்.

உங்களுக்கு ஒய்வு இருக்கும் நேரத்தில் ஞானியின் புத்தகங்களை எடுத்து படித்துக்கொண்டு அவர்கள் சொல்லும் வழியை நீங்கள் பயிற்சி செய்துக்கொண்டே இருந்தாலே பல விசயங்கள் உங்களுக்கு சாதகமாக அமையும்.

அன்புடன்
ராஜேஷ்சுப்பு

Monday, November 6, 2017

சக்தி


வணக்கம்!
         அம்மன் பூஜை மழை தூறல் இருப்பதால் தாமதம் ஆகின்றது. மழைவிட்டவுடன் உடனே பூஜை செய்துவிடலாம் என்று இருக்கிறேன்.

பல வருடங்களுக்கு முன்பு என்னை சந்தித்த நண்பர்கள் இருக்கின்றனர். அவர்கள் அந்த நேரத்தில் ஒரு வெற்றியை பெறவேண்டும் என்று கேட்டுள்ளனர். அவர்களின் வெற்றிக்கு இதனை எல்லாம் செய்யவேண்டும் என்று அந்த சமயத்தில் சொல்லிருந்தேன். 

என்ன நினைத்தார்கள் என்று தெரியவில்லை அதனை அவர்கள் செய்யவில்லை. அவர்கள் வாழ்வில் பொருளாதார வளர்ச்சியில் முன்னேற்றம் கண்டு வந்துவிட்டார்களா என்று தற்பொழுது பார்த்தால் அன்று இருந்த நிலையை விட தற்பொழுது கீழே சென்றுவிட்டனர். 

நம்மிடம் அதனை செய்யவில்லை என்பதற்க்காக அவர்கள் கீழே செல்லவில்லை. அவர்கள் தேடிக்கொண்டே இருந்த காரணத்தால் அவர்கள் முன்னேற்றம் காணவில்லை என்று தான் நினைக்கிறேன். பின்தங்கியே நிலையிலேயே இருந்துக்கொண்டு இருக்கின்றனர்.

அவர்களிடம் நான் கேட்ட தொகை அவர்களுக்கு அந்த நேரத்தில் மிக மிக குறைந்த விலை அதனை கொடுப்பதற்க்கு அவர்களுக்கு விருப்பம் இல்லை. தற்பொழுது வரை அவர்களின் போராட்டம் தாெடர்ந்துக்கொண்டு இருக்கின்றது.

ஒரு நிலையில் இருந்து அடுத்த நிலைக்கு செல்வதற்க்கு கண்டிப்பாக சக்தி தேவை. அந்த சக்தியை ஒரு ஆன்மீகவாதியிடம் இருந்து நீங்கள் பெற்று தான் ஆகவேண்டும். அது எந்த ஆன்மீகவாதியகவும் இருக்கலாம் ஆனால் அதனை பெற்று விரைவில் முன்னேற்றப்பாதைக்கு செல்லுங்கள்.

அன்புடன்
ராஜேஷ்சுப்பு

சுக்கிரன்


ணக்கம்!
         சுக்கிரன் மட்டும் தான் சுகபோகவாழ்வை தரமுடியுமா மற்ற கிரகங்களால் கொடுக்கமுடியாத என்று ஒரு கேள்வி அனைவரின் மனதிலும் வரக்கூடிய ஒன்று தான். ஒவ்வொருவரும் அவர்களின் கர்மவினைப்படி மற்றும் இந்த பிறவியில் செய்யக்கூடிய பூஜை பலன்கள் படியும் அவர்களுக்கு சுகபோகவாழ்வு கிடைக்கும்.

சுகபோகம் என்றால் சுக்கிரன் மட்டும் தான் கொடுக்கும் என்பதை விட்டு விட்டு அவர்களின் ஜாதகத்தில் யார் கொடுப்பார்கள் என்பதை பார்த்து தெரிந்துக்கொள்ளவேண்டும். சுகபோகத்திற்க்கு காரகம் என்ற முறையில் சுக்கிரனை பார்ப்பார்கள்.

சுகபோகத்திற்க்கு உள்ள கிரகம் நல்ல பலனை கொடுத்தால் அது நன்றாக இருக்குமே என்பது அனைவரின் எதிர்பார்ப்பு. இதில் எந்த மாற்றுக்கருத்தும் இல்லை. சுகபோகத்திற்க்குரிய சுக்கிரன் நன்றாக இருக்கவேண்டும் என்பது அனைவரின் எதிர்பார்ப்பு.

சுக்கிரன் பலனை கொடுப்பதற்க்கு அவர்களின் ஜாதகத்தில் தசாவும் ஒத்துழைக்க வேண்டும். தசா ஒத்துழைத்தால் மட்டுமே அவர்களுக்கு சுக்கிரன் முழுமையான பலனை கொடுக்கும். நடக்கும் தசாவுக்கும் சுக்கிரனுக்கும் ஒத்துழைக்கவில்லை என்றால் அந்த நேரத்தில் சுக்கிரனால் கொடுக்கமுடியாது.

தசாநாதன் வழிகொடுத்தால் சுக்கிரனால் நல்ல பலனை அவ்வப்பொழுது கொடுத்து கொண்டே இருக்கும். சம்பந்தப்பட்ட ஜாதகரும் பிரச்சினை இல்லாமல் வாழ்க்கை நடத்திக்கொண்டு இருப்பார்.

அன்புடன்
ராஜேஷ்சுப்பு

Sunday, November 5, 2017

சுக்கிரன் தரும் ஆன்மீகம்


வணக்கம்!
         சுக்கிரன் கிரகம் என்றவுடன் நாம் சுகபோக ஆசை மட்டும் தான் நமக்கு கொடுப்பார் என்ற எண்ணம் இருக்கும். சுகபோக ஆசையோடு ஆன்மீக வாழ்வையும் அற்புதமாக நமக்கு கொடுப்பார்.

சுக்கிரனின் வழியில் ஆன்மீகம் செய்பவர்கள் அனைவரும் சுகபோக வாழ்வை சந்தித்துவிட்டு அதன் பிறகு ஆன்மீகத்தில் ஈடுபடுபவராக இருப்பார்கள். 

உண்மையில் ஒரு ஆன்மீகவாதி சுகபோகவாழ்வை வாழ்ந்தபிறகு ஆன்மீகம் செய்தால் மிகச்சரியான ஒரு வழியில் அவர் செல்வார். எந்த விதத்திலும் அவர்க்கு அடுத்த விசயத்தில் ஈர்ப்பு வந்துவிடாது. அவரின் நிலையை எளிதில் அடைந்துவிடுவார்.

மற்ற கிரகங்கள் கொடுக்கும் ஆன்மீகம் அந்தளவுக்கு நன்றாக இருக்காது என்றே சொல்லலாம். ஒரு சிலர் வறுமையில் இருந்து வரும்பொழுது அவர்களுக்கு மற்ற விசயத்தில் ஈர்ப்பு வந்துவிடும். 

எல்லாவற்றிலும் சலிப்பு ஏற்பட்டு அதன்பிறகு ஆன்மீகத்தை கொடுப்பதில் சுக்கிரனுக்கு நிகர் மற்ற கிரகங்கள் இல்லை என்றே சொல்லலாம். மற்ற கிரகங்களை விட ஆன்மீகத்திற்க்கு சுக்கிரன் கிரகம் மிக உகந்தது.

அன்புடன்
ராஜேஷ்சுப்பு

Saturday, November 4, 2017

சுக்கிரன்


வணக்கம்!
          சுக்கிரனைப்பற்றி எழுத ஆரம்பித்தவுடன் பல நண்பர்கள் தங்களைப்பற்றி நிறைய சொல்லிருக்கிறார்கள். மனம் திறந்து இப்படிப்பட்ட பிரச்சினை எனக்கு இருக்கின்றது என்று அவர் அவர்களின் ஜாதகத்தை அனுப்பி சொல்லிருந்தனர். 

உடல்நிலையப்பற்றி பலர் கேட்டனர். வெளிநாடுகளில் இருந்து கூட பலர் உடல்நிலையைப்பற்றி கேட்டனர். வெளிநாடுகளில் நல்ல சத்தான உணவுகள் இருக்கின்றன என்று அனைவரும் சொன்னார்கள். அப்படி இருந்தும் உடல்நிலை பிரச்சினைப்பற்றி சொல்லுகின்றனர்.

என்னுடைய உடல்நிலைக்கு பல நண்பர்களிடம் கேட்டு தான் தெரிந்துக்கொண்டேன். அது போல தான் இதுவும். முடிந்தவரை சாப்பாட்டு முறையில் இதனை சரி செய்ய பாருங்கள். சக்தி மிகுந்த உணவுகளை சாப்பிட பாருங்கள்.

பலர் நல்ல வழிகளை சொல்லுகின்றனர். அவர்களை போல உள்ளவர்களிடம் பழக்க வழக்கத்தை உருவாக்கி அதனை பின்பற்றினாலே போதும். கண்டிப்பாக ஆராேக்கியமான வாழ்க்கை வாழலாம்.

சுக்கிரன் நன்றாக இருந்தால் தான் உடல் ஆரோக்கியம் இருக்கும். சுக்கிரன் சரியில்லை என்றால் உடல் ஆரோக்கியத்திற்க்கு உணவுகளை எடுத்து சரிசெய்யவேண்டும்.

அன்புடன்
ராஜேஷ்சுப்பு

Friday, November 3, 2017

கேள்வி & பதில்

ணக்கம்!
          திரு கண்ணன் அவர்கள் ஒரு கேள்வி அனுப்பியிருந்தார். தினமும் சாம்பிராணி தீபம் போடுவோம். ஒரு சாதாரணமான நபர் ஹோமத்தில் கலந்துக்கொள்வது முடியாத ஒன்று சாம்பிராணி தீபம் மட்டும் போதுமா என்று கேள்வி அனுப்பியிருந்தார்.

சாம்பிராணி தீபம் சந்திரனுக்கு உரிய ஒன்று என்பது அனைவருக்கும் தெரிந்த ஒன்று. நெய் என்பது சுக்கிரனுக்குரிய ஒன்று. முடிந்தவரை சாம்பிராணியை தினமும் போடுவதால் நல்லது நடக்கும். 

ஒரு நிலையில் இருந்து அடுத்த நிலைக்கு நாம் செல்லும்பொழுது ஒரு சக்தி தேவைப்படும் என்று நான் பழைய பதிவில் சொல்லிருக்கிறேன். பணத்தை மட்டும் வைத்து அடுத்த நிலைக்கு செல்லமுடியாத நிலை வரும்பொழுது நம்முடைய முயற்சியை வைத்து என்ன செய்யலாம் என்பதை யோசித்தால் அது வெற்றியை நோக்கி செல்லும்.

எங்கு ஹோமம் நடக்கிறது என்பதை அறிந்துக்கொண்டு அதில் சென்று மாதம் ஒரு முறையாவது கொஞ்ச நேரம் இருந்துவிட்டு வருவதற்க்கு திட்டம் தீட்டலாம். அது எந்த ஹோமம் நடந்தாலும் சரி அதில் கலந்துக்கொள்ளலாம். நமக்கு தேவை நெய் அக்னியில் இடுவது மட்டுமே.

சுக்கிரனோடு நம்மை இணைத்துக்கொள்ள பணம் தான் தடையாக இருக்கின்றது. சுக்கிரனின் நிலை விலையுர்ந்த ஒன்றாக இருக்கின்றது. நம்மிடம் அது இல்லை என்கிறபொழுது சுக்கிரன் நம்மோடு இணையமாட்டான். 

பணம் இல்லாமல் நாம் செய்கின்ற வேலையை எல்லாம் செய்துவிட்டு பணம் வந்தபிறகு நாம் பணத்தால் செய்யமுடிகின்ற வேலையை எல்லாம் செய்யவேண்டும்.

அன்புடன்
ராஜேஷ்சுப்பு

குளியல்


வணக்கம்!
          ஜாதககதம்பத்தில் இருந்து வந்தவர்களில் பல பேர் ஒரு நேரம் மட்டும் குளிப்பவர்களாக இருந்தார்கள். அவர்களிடம் இரண்டு வேளையும் குளிக்க சொல்லிருந்தேன். இதனை கூடவா சொல்லவேண்டும் என்று கேட்கலாம். கண்டிப்பாக இதனை சொல்லி பல நண்பர்கள் பின்பற்றி வருகின்றனர்.

சுக்கிரனின் காரத்துவத்தில் தான் குளிப்பதும் வரும். சுத்தமாக குளிக்கவேண்டும் சுத்தமாக இருக்கவேண்டும் என்பது எல்லாம் சுக்கிரனின் காரத்துவத்தில் தான் வருகின்றது. உடலில் ஏற்படும் சூட்டை தடுப்பதற்க்கும் குளியல் தேவைப்படுகிறது.

சுக்கிரனின் காரத்துவத்தில் இது எல்லாம் வருகிறதா என்று கேட்கவேண்டாம். குளியல் என்பதை பல இடங்களில் ஆன்மீகம் அடிப்படையாக வைத்திருக்கின்றது. அதாவது கோவில் குளம் மற்றும் புனித நதியில் எல்லாம் நீராட சொல்லுகின்றது ஆன்மீகம்.

உங்களை நீராட வைக்கின்றது என்பது உடல் சுத்தம் மட்டும் இல்லை அது ஆன்ம சுத்தத்திற்க்கும் வழி வகுக்கிறது என்பதையும் ஆன்மீகம் வழி நடத்துகிறது. இதற்கு அடிப்படையில் சுக்கிரன் காரத்துவம் இருக்கின்றது.

இரண்டு நேரம் குளிக்கவேண்டும் கோவில் குளங்கள் மற்றும் புனித நதியில் நீராடிவிட்டு வருவதை உடனே செய்ய தொடங்குங்கள். இதுவும் சுக்கிரனின் பரிகாரமாக அமையும்.

அன்புடன்
ராஜேஷ்சுப்பு

Thursday, November 2, 2017

கேள்வி & பதில்


வணக்கம்!
          சளி தொல்லை இருப்பவர்களுக்கு நெய் ஆகாதே என்ன செய்யலாம் என்று நண்பர் KJ அவர்கள் கேட்டார்.

சளி தொல்லை இருப்பவர்களுக்கு நெய் ஆகாது என்றால் ஹோமம் நடைபெறும் இடங்களில் சென்று அமர்ந்துவிட்டு வரலாம். நெய் வாசம் உங்களின் மேல் பட பட சளி தொல்லையும் நீங்கும். உங்களுக்கும் நல்லது நடக்க ஆரம்பிக்கும்.

இதில் எனது சொந்த அனுபவமே இருக்கின்றது. எனக்கே சளி தொல்லை இருந்துக்கொண்டு தான் இருந்தது. அது எல்லாம் படிப்படியாக ஹோமத்தில் அமரும்பொழுது விலகிவிட்டது. நீங்களும் இதனை செய்யலாம்.

சளி தொல்லை என்றால் நல்ல மருத்துவம் தற்பொழுது இருக்கின்றது அதனை செய்துக்கொள்ளுவது நல்லது. சளி தொல்லை கிடையாது. சனியால் வரும் தொல்லையாகவே அது இருக்கும்.

இதனை செய்யமுடியவில்லை என்றால் சுக்கிரனின் காரத்துவத்தில் வருகின்ற அடுத்த வேலையை செய்துக்கொள்ளுங்கள். ஒன்று இல்லை என்றால் அடுத்த ஒன்று என்று எடுத்துக்கொள்ளவேண்டியது தான்.

அன்புடன்
ராஜேஷ்சுப்பு

சுக்கிரன்


வணக்கம்!
          ஒருவர் நல்ல வெள்ளை வேஷ்டி கண்டிக்கொண்டு ஆள் பார்க்க நன்றாக இருக்கின்றார் என்று வைத்துக்கொள்வோம். அவரோடு ஒரு சாதாரணமான ஒருவர் எளிதில் பழகிவிடமுடியுமா கொஞ்சம் தயங்கி தான் செல்லவேண்டும்.

சுக்கிரன் அப்படிப்பட்ட ஒன்று தான். சுக்கிரன் என்றாலே அது ராஜாவாக இருக்ககூடிய ஒன்றை காட்டுகிறது. சுக்கிரனின் காரத்துவத்தில் இதனை சொல்லுவார்கள். நாட்டின் அரசனுக்கு நெருங்கிய ஆள் என்று சொல்லுவார்கள்.

அரசனுக்கு வேண்டப்பட்டவன் எப்படி இருப்பான். அவனும் அரசனை போல தான் இருப்பான். இவர்களோடு நாம் பழகவேண்டும் என்றால் அவர்கள் போல நாமும் ஆடைகளை உடுத்தவேண்டும். அவர்கள் போல இல்லை என்றாலும் ஒரளவு வசதி வாய்ப்பு இருந்தால் நம்மை அவர்கள் கவனிப்பார்கள்.

மேலே சொன்னவர்களோடு நாம் இணையவேண்டும் என்று சொல்லுவது சுக்கிரனோடு நாம் அவ்வளவு எளிதில் இணைந்துவிடமுடியாது என்பதற்க்காக சொன்னேன். நீங்கள் இணைவதற்கு குறைந்தபட்ச தகுதியாவது இருந்தால் கண்டிப்பாக இணைந்துவிடலாம்.

கெட்டவனோடு நாம் இணைந்தால் கெட்டவன் குணம் நமக்கு வரும் என்பார்கள் அல்லவா. சுக்கிரன் காரத்துவம் உடைய ஆட்களோடு நாம் இணைந்தால் சுக்கிரனின் காரத்துவம் நமக்கும் கிடைக்கும். இது ஒரு சுக்கிரனுக்குரிய பரிகாரம்.

அன்புடன்
ராஜேஷ்சுப்பு

பரிகாரம்


வணக்கம்!
          சுக்கிரனுக்கு பரிகாரம் செய்துக்கொடுங்கள் என்று தினமும் நிறைய நண்பர்கள் என்னை தொடர்புக்கொள்கின்றனர். அனைவரையும் பொறுமையாக இருங்கள் என்று சொல்லிக்கொண்டு வருகிறேன். கோச்சாரப்படி பிரச்சினை இருந்தால் இன்றோடு முடிவடைந்துவிடும். 

பொதுவாக சுக்கிரனுக்கு பரிகாரம் செய்வது என்பது கொஞ்சம் கடினமான ஒரு வேலை ஏன் இதனை சொல்லுகிறேன் என்றால் அதிவேகத்தில் செல்லக்கூடிய கிரகங்களுக்கு பரிகாரம் செய்வது என்பது சாமானியப்பட்ட ஒன்று கிடையாது.

பொறுமையாக செல்லும் கிரகங்களுக்கு எளிதில் நாம் பரிகாரம் செய்துவிடலாம். அவசரமாக செல்லும் கிரகங்களுக்கு பரிகாரம் செய்வது கொஞ்சம் கடினமான ஒரு வேலையாக இருக்கும். 

சுக்கிரனின் தசா ஒருவருக்கு சென்றுக்கொண்டு இருந்தால் அவர்களை வருடத்திற்க்கு ஒரு முறை பரிகாரம் செய்ய சொல்லி அதனை செய்துக்கொடுத்துக்கொண்டு இருக்கிறேன். ஏன் என்றால் அப்பொழுது தான் சுக்கிரனின் தீயகுணங்களை போக்கி நல்ல பலனை கொடுக்க வைக்க முடியும்.

கணவன் மனைவிக்குள் அடிக்கடி சண்டை சச்சரவுக்கு எல்லாம் சுக்கிரனுக்கு பரிகாரம் செய்யலாம். அது அவர் அவர்களின் ஜாதகத்தை பார்த்துவிட்டு அதன் பிறகு முடிவு செய்யவேண்டும். 

அன்புடன்
ராஜேஷ்சுப்பு

கடுமையான தோஷங்கள்


ணக்கம்!
          பித்ருதோஷம் இருந்தால் அவர்களின் குடும்பம் ஒரு விருத்தியை அடையாது என்பார்கள். உங்களின் ஜாதகத்தில் பித்ருதோஷம் இருந்தால் கண்டிப்பாக விருத்தி அடையாது என்பது உண்மையான ஒன்று.

பித்ருதோஷம் இருந்தால் உங்களின் இளைய சகோதர சகோதரிகள் வாழ்க்கை வீணாக செல்லும். அவர்கள் ஒருவிதத்திலும் உருப்படமாட்டார்கள். உங்களுக்கு இளைய சகோதர சகோதரிகள் இருந்து அவர்கள் சரியில்லை என்றால் உங்களின் ஜாதகத்தில் உள்ள பித்ருதோஷம் நன்றாக வேலை செய்கிறது என்று அர்த்தம்.

பித்ருதோஷத்தைப்பற்றி ஏன் இந்த நேரத்தில் சொல்லுகிறேன் என்றால் சுக்கிரனால் வரும் சாபதோஷத்திற்க்கும் இதற்கும் நெருங்கிய தொடர்பு இருக்கும். இரண்டும் ஒன்று போல் வேலை செய்யும்.

ஒரு பெண்ணின் சாபத்தை நீங்கள் வாங்கியிருந்தால் அதனால் வருவது தான் சுக்கிரன் ஒன்றும் வேலை செய்யாமல் போவது இதனால் வரும் பாதிப்பு பித்ருதோஷத்தை விட கொடுமையாக இருக்கும். கஷ்டங்களை அதிகமாக கொடுத்து நம்மை வாட்டி எடுக்கும்.

முன்ஜென்மத்தில் பிரச்சினையால் பெண்களின் ஜாதகத்தில் கூட இப்படிப்பட்ட பிரச்சினை வந்து அவர்களின் வாழ்க்கையும் வீணாக செல்கிறது. அவர்களும் இதற்கு விதிவிலக்கல்ல. பித்ருதோஷம் மற்றும் சாபம் இரண்டு தோஷமும் இல்லை என்றால் வாழ்க்கை நன்றாக இருக்கும். இதில் ஒரு தோஷம் உங்களின் ஜாதகத்தில் மாட்டினாலும் உங்களுக்கு பிரச்சினை.

அன்புடன்
ராஜேஷ்சுப்பு

கடமை


வணக்கம்!
          தற்பொழுது மழைக்காலம் தொடங்கிவிட்டது அதனோடு நல்ல குளிரும் நிலவும். உங்களின் வீட்டில் வயதானவர்கள் இருந்தால் அவர்களால் இந்த குளிரை தாங்கிக்கொள்ளமுடியாது. அவர்களுக்கு தேவையான ஒரு அடிப்படை வசதிகளை எல்லாம் செய்துக்கொடுத்துவிடுங்கள்.

இந்த காலத்தில் நவீன உலகம் என்று சொல்லிக்கொண்டு வயதானவர்களை எல்லாம் கவனிப்பது இல்லை. வேலை வெளியில் இருக்கின்றது அதனால் அவர்களை அழைத்துக்கொண்டு சென்று நகரத்தில் வைத்துக்கொள்ளமுடியாது என்று வயதானவர்களை விட்டுவிட்டு செல்பவர்கள் அதிகம் பேர் இருக்கின்றனர்.

என்ன தான் நவீன உலகம் என்று சொன்னாலும் எல்லா மனிதனும் இறக்க தான் போகிறான் என்று எண்ணிக்கொண்டு உங்களுக்கு உள்ள கடமைகளை செய்யாமல் போய்விடாதீர்கள். வீட்டில் உள்ள பெரியவர்களை நீங்கள் கவனித்தால் நீங்கள் கோவிலுக்கு செல்லவேண்டியதில்லை.

பெரியவர்களுக்கு தேவையானதை நீங்கள் செய்துக்கொடுத்தால் உங்களுக்கு ஏற்படும் அனைத்து தோஷங்களும் போய்விடும் என்பது உண்மையான ஒன்று. அதாவது நான் பார்த்தவரையிலும் பெரியவர்களை நன்றாக கவனித்த குடும்பங்கள் நல்ல வளர்ச்சியை நோக்கி சென்றுக்கொண்டு இருக்கின்றது.

உங்களின் வீட்டில் உள்ள பெரியவர்களுக்கு இந்த குளிர்காலத்தில் சத்தான உணவுகளை கொடுத்துவிடுங்கள். நீங்களும் சத்தான உணவுகளை உண்ணுங்கள். குளிரை தாங்ககூடிய ஆடைகளை பெரியவர்களுக்கு வாங்கிக்கொடுங்கள்.

அன்புடன்
ராஜேஷ்சுப்பு

Wednesday, November 1, 2017

துன்பம் இல்லாத மனம்


ணக்கம்!
          துன்பம் இல்லாத மனத்திற்க்கு சொந்தகாரர் சுக்கிரன். மற்ற கிரகங்கள் எல்லாம் கொடுக்கும் வாழ்க்கை வசதியாக இருந்தாலும் அதில் மனது ஒண்டாமல் சென்றுக்கொண்டு இருக்கும். 

ஒரு நாட்டின் பிரதமராக இருக்ககூடிய வாய்ப்பை வேறு கிரகங்கள் கொடுக்கின்றது என்று வைத்துக்கொள்வோம். பிரதமரின் மனம் நல்ல ஜாலியாக இருக்குமா? நாட்டில் உள்ள தலைவலி முழுவதும் அவருக்கு இருக்கும். அவர் எப்படி ஜாலியாக இருக்கமுடியும். 

கண்டிப்பாக இருக்காது. ஒரு சொகுசுவாழ்க்கை வாழ்ந்துக்கொண்டிருப்பவனின் மனம் எப்படி இருக்கும் ரொம்ப ஜாலியாக இருப்பான். எந்தவிதத்திலும் கவலை என்பது இருக்கவே இருக்காது.

சொகுசுவாழ்க்கை வாழ்பவன் மனம் தளராமல் ஒரே ஜாலியாக இருப்பான். இராமன் ஆண்டால் என்ன ராவணன் ஆண்டால் எனக்கென்ன என்பது போல இருப்பான். எந்த அரசனும் அவனிடம் கேள்வி கேட்கமுடியாதளவுக்கு இருப்பான்.

சொகுசுவாழ்க்கையை கொடுப்பது சுக்கிரன். இவனே அரசனுக்கு உதவ வைப்பான். எப்படி என்றால் அரசனக்கே கடன் கொடுப்பது இவர்களாக இருக்கும். எந்த நிலையிலும் துன்ப நிலை இல்லாத மனம் வேண்டுமானால் சுக்கிரனின் அருள் கிடைக்கவேண்டும். கோடியில் ஒருவர் இப்படி இருந்தாலே அது பெரிய பாக்கியம் தான் என்று சொல்லலாம். சுக்கிரனின் அருளை பெறுவதற்க்கு என்ன வழி என்பதை பாருங்கள்.


அன்புடன்
ராஜேஷ்சுப்பு

சுக்கிரன்


ணக்கம்!
         கடவுளுக்கு செய்யப்படும் ஹோமத்தில் நாம் பயன்படுத்துவது நெய். ஒரு ஹோமம் செய்வதற்க்கு நெய் தான் முக்கியமான அடிப்படை பொருள். இது இல்லாமல் ஹோமம் இல்லை.

நெய்யை அக்னியில் இடும்பொழுது தான் அதன் வழியாக நாம் வைக்கப்படும் கோரிக்கை இறைவனுக்கு சேர்க்கப்படுகிறது. ஹோமத்தில் நெய்யை முதன்மைப்படுத்துகிறார்கள் என்றால் நெய்க்கு எந்தளவுக்கு முக்கியத்துவம் கொடுத்து இருக்கிறார்கள்.

நெய்க்கு காரத்துவம் வகிப்பவர் சுக்கிரன். சுக்கிரனின் பொருளை கடவுளுக்கு செய்யப்படும் ஹோமத்தில் பயன்படுத்திருக்கிறார்கள் என்றால் எந்தளவுக்கு சுக்கிரன் முக்கியத்துவம் ஆகிறார் என்று பாருங்கள்.

நெய் சுக்கிரனின் காரத்துவத்தில் வருகின்றது என்று சொன்னால் யாரும் அதனை அவ்வளவு எளிதில் எடுத்துக்கொள்ள மாட்டார்கள். நெய் குருவிற்க்கு தான் காரத்துவம் வருகின்றது என்பார்கள். நெய் சுக்கிரனின் காரத்துவத்தில் தான் அதிகம் வருகின்றது.

நெய் உணவில் சேர்த்துக்கொண்டால் உடலுக்கும் அது நன்மை தான் செய்யும். நல்ல சக்தி மிகுந்த உடலாகவும் மாறும். சுக்கிரனின் காரத்துவத்தை அதிகரிக்க நெய்யையும் உணவில் சேர்த்துக்கொள்ளலாம்.

அன்புடன்
ராஜேஷ்சுப்பு

சுக்கிரனும் அன்னாபிஷேகமும்


வணக்கம்!
          நாம் ஒரு தலைப்பை எடுத்து பதிவு எழுதினால் அது உலகத்தில் அந்த சமயத்தில் நடக்ககூடிய ஒரு வகையில் அமையும். அம்மன் அது நமக்கு கொடுத்த அருள் மற்றும் குருவின் ஆசி என்று சொல்லலாம்.

சுக்கிரனைப்பற்றி நாம் எழுதிக்கொண்டிருக்கிறோம். தற்சமயம் அன்னாபிஷேகம் வருகின்றது. அன்னத்திற்க்கு காரத்துவம் வகிப்பவர் சுக்கிரன். அன்னாபிஷேகம் வருவதால் நீங்கள் இதனை செய்துவிடலாம்.

சுக்கிரன் மட்டும் அதிவேகமாக செல்லக்கூடிய ஒரு கிரகம் என்று இறைவன் வைத்திருக்கிறார். சுக்கிரன் அவர் போய் ஒரே வீட்டில் நீண்டநாள்கள் தங்கிவிட்டால் உலகத்தில் பசி பட்டினி அதிகமாக போய்விடும் என்று தான் இறைவன் அவரை வேகமாக சுற்ற வைத்திருக்கிறார் என்று நினைக்கிறேன். 

நீசமாக இருக்கின்ற சுக்கிரன் நாளை அடுத்த வீட்டிற்க்கு சென்றுவிடுவார். இனிமேல் பிரச்சினை இருக்காது. கணவன் மனைவிக்குள் சண்டை இருந்தால் அது எல்லாம் இனிமேல் இருக்காது.

தீபாவளி முடிந்து ஒருத்தரிடமும் பணம் இருந்திருக்காது. கையில் பணம் இல்லாமல் எந்த வேலையும் அடிப்படை செலவு செய்யகூட பணம் இருந்திருக்காது. இனி பணம் வரும். நிலுவையில் உள்ள பணம் எல்லாம் வந்து சேரும்.

சுக்கிரனுக்கு உகந்த அன்னாபிஷேகத்தை செய்வதற்க்கும் வாய்ப்பு வருகின்றது அதனை செய்துவிடுங்கள். சிவனுக்கு நீங்கள் செய்யும் இந்த அன்னாபிஷேகம் சுக்கிரனுக்கும் உகந்த ஒன்றாக இருக்கும்.

அன்புடன்
ராஜேஷ்சுப்பு

சுக்கிரன்+சூரியன்


ணக்கம்!
          சுக்கிரன் சூரியன் இணைந்த இருந்தால் எப்படி பலன் இருக்கும் என்பதை பார்க்கலாம். சுக்கிரனுக்கும் சூரியனுக்கும் ஒத்துவராது. எதில் ஒத்துவராது என்றால் இரண்டும் ஏட்டிக்கு போட்டியாக செயல்படும்.

சுக்கிரன் என்றாலே அது திருமணத்திற்க்கு தானே முதலில் நமது சோதிடர்கள் எல்லாம் பார்ப்பார்கள். சுக்கிரன் என்ற கிரகம் திருமணத்திற்க்கு மட்டும் தான் இருக்கின்றது என்பது போல தான் சிலரின் கணிப்பு. திருமண ஏற்பாடு செய்யப்படும்பொழுது திடீர் என்று நடந்துவிடும்.

உலகத்தில் முக்கால்வாசிபேருக்கு திருமணம் ஒரு விபத்து போல நடக்கும் என்பார்கள். திருமணம் நடைபெறுவதை நாம் உற்று கவனித்தால் அது விபத்து போல தான் அரங்கேறும். அதனால் தான் விபத்து என்று சொன்னார்களா என்று தெரியவில்லை.

சூரியன் சுக்கிரன் பெரும்பாலும் அனைத்து ஜாதகத்திலும் இணைந்து செயல்பட்டுக்கொண்டு தான் இருக்கும். சூரியன் சுக்கிரன் இணைவு அதிகப்பட்சம் இருக்கும். இது எந்த வீட்டில் இருக்கின்றது என்பதை பொறுத்து பலன்கள் மாறுபடும்.

சூரியன் சுக்கிரன் இணைவு தவறு என்றே நமது சோதிடம் சொல்லுகிறது. அது அந்தளவுக்கு எல்லாம் தவறு இல்லை என்பது அனுபவத்தில் தெரிகிறது. எப்படி இருந்தாலும் சொந்த ஜாதகத்தை வைத்து இதனை அனுபவத்தில் ஆராய்ந்து அதன் பிறகு முடிவு எடுத்துக்கொள்ளுங்கள்.

அன்புடன்
ராஜேஷ்சுப்பு

விலையுர்ந்த சுக்கிரன்


வணக்கம்!
          எனக்கு தெரிந்த பணக்காரர்கள் எல்லாம் பெரும்பாலும் டிரை புரூட் போன்ற வகைகளை சாப்பிடுவார்கள். இது எதற்கு என்பது பெரும்பாலும் அவர்கள் சொன்னபிறகு தான் புரிந்தது. உடலில் சக்தி குறைபாடு இல்லாமல் பங்கு ஆற்றுவதில் இது அதிகம் வேலை செய்கிறது என்று சொன்னார்கள்.

பணக்காரர்களுக்கு உள்ள உணவு என்பது இது தானே. சுக்கிரன் காரத்துவம் உடைய உணவுகளில் முக்கிய பங்கு ஆற்றுவது அத்திப்பழம். அத்திபழம் சாப்பிட்டால் உடல் இளமையில் இருக்கும் என்று சொல்லுவார்கள்.

சுக்கிரன் என்றாலே அது விலையுர்ந்த ஒன்றாக தான் இருக்கின்றது. அத்திபழம் கிலோ ஆயிரம் ரூபாய் என்று நினைக்கிறேன். இதனை போலவே பாதம் பிஸ்தா போன்றவைகளையும் இப்படி தான் விலை சொல்லுவார்கள்.

ஏன் இதனை சொல்லுகிறேன் என்றால் சுக்கிரனின் காரத்துவம் அப்படிப்பட்டது. விலையுர்ந்த ஒன்று என்றால் அது சுக்கிரனின் காரத்துவத்தில் வரும். வைரக்கல் விலையை எல்லாம் கேட்டால் நாம் ஆடிபோய்விடுவோம் அல்லவா. அனைத்தும் சுக்கிரனின் காரத்துவத்தில் வருகின்றது.

சுக்கிரனை நம்மோடு இணைத்துக்கொள்வது என்பது அவ்வளவு எளிதான ஒன்று கிடையாது. விலையுர்ந்த அனைத்தும் சுக்கிரனிடம் வரும்பொழுது அதனை நாம் பெறுவதற்க்கு விலையை அதிகம் கொடுக்க வேண்டியிருக்கும்.

அன்புடன்
ராஜேஷ்சுப்பு

சுக்கிரன்


ணக்கம்!
          உங்களின் ஜாதகத்தில் உள்ள அடிப்பட்ட கிரகங்களை எடுத்து அது எந்த சக்தியை வழங்குகிறதோ அந்த சக்தி உங்களின் உடலில் பற்றாக்குறையில் இருக்கும். அடிப்பட்ட கிரகத்தின் சக்தி உங்களின் உடலில் இருக்காது.

நாம் பரிகாரத்தை வெளியில் செய்துக்கொண்டு இருப்போம். உள்ளே மாற்றம் நடைபெறும்பொழுது மட்டுமே அது வெளியில் செய்யப்படும் பரிகாரத்தின் சக்தியோடு இணைந்து பயணித்து உங்களுக்கு மாற்றத்தை தரும்.

மனிதஉடலில் அடிப்படை காமசக்தி. காமசக்தி இல்லை என்றால் அது பலவித பிரச்சினைகளை உங்களின் உடலுக்கு கொடுத்துவிடும். சுக்கிரன் காமசக்திக்கு காரத்துவம் வகிக்கிறார். சுக்கிரன் பாதிக்கப்பட்ட ஆட்கள் பெரும்பாலும் காமசக்தி குறையவுடையவராக இருப்பார்கள்.

இளைஞர்களாக இருந்தால் நம்மிடம் நிறைய காமச்சக்தி இருக்கின்றது அதனால் நமக்கு சுக்கிரன் நன்றாக இருக்கின்றது என்று நினைத்துக்கொண்டு இருக்கவேண்டாம். பத்து தடவை போனபிறகு தான் உங்களின் காமசக்தியின் அளவு என்ன என்று தெரியும். 

திருமணம் ஆன பிறகும் காமசக்தி நன்றாகவே இருக்கின்றது எந்த வித பிரச்சினையும் இல்லை என்று உங்களுக்கு தோன்றினால் உங்களின் ஜாதகத்தில் சுக்கிரன் நல்ல பலனை கொடுக்கிறது என்று அர்த்தம்.  உண்மையை சொல்லவேண்டும் என்றால் 90 சதவீதம் பேர் இந்த சக்தி குறையுடையவராக தான் இருப்பார்கள்.

காமசக்தி குறைவு என்பது இருக்கின்றது என்று நினைத்தால் உடலுக்கு தேவையான சக்தி ஏற்றும் வழிகளை பின்பற்றுங்கள். பிறகு பரிகாரம் இதற்கு செய்துக்கொள்ளலாம்.

அன்புடன்
ராஜேஷ்சுப்பு

இனிய தொடக்கம்


வணக்கம்!
          ஒவ்வொரு வருடமும் ஐப்பசி மாதம் பெளர்ணமி அன்று சிவபெருமானுக்கு அன்னாபிஷேகம் செய்வது உண்டு. சிவனுக்கு என்று நிறைய அபிஷேகங்கள் இருந்தாலும் ஐப்பசி அன்று பெளர்ணமி செய்யும் அன்னாபிஷேகம் மிக சிறப்பு வாய்ந்த ஒன்று.

அன்னாபிஷேகத்தை வருடம் வருடம் நாம் பதிவில் சொல்லுவது உண்டு. இதில் கலந்துக்கொண்டு அன்னாபிஷேகத்தில் உள்ள சிவனை தரிசனம் செய்யலாம் அல்லது அன்னாபிஷேகத்திற்க்குரிய அரிசி காய்கறிகளை வாங்கி கொடுக்கலாம்.

உங்களின் அருகில் உள்ள சிவலாயங்களில் விசாரித்தால் எப்பொழுது அரிசியை வாங்கிக்கொடுக்கவேண்டும் என்று சொல்லுவார்கள். அதனை வாங்கிக்கொடுத்துவிடுங்கள். இன்று பிரதோஷம் அதில் கலந்துக்கொள்ள நீங்கள் செல்லும்பொழுது இதனைப்பற்றி விசாரித்துவிடலாம்.

அன்னாபிஷேகம் செய்வது எதற்க்கு என்று நிறைய கருத்துக்கள் சொல்லுவார்கள். என்னுடைய கருத்து உலக உயிர்களுக்கு எல்லாம் உணவு படைக்கும் நாள் என்பது முதல் கருத்து. சந்திரன் தன்னுடைய முழுபலனை திரும்பபெற்ற நாள் என்பது இரண்டாவது கருத்து. 

ஐப்பசி பெளர்ணமி அன்று நல்ல ஒளியை சந்திரன் கொடுப்பதை நீங்களே பார்த்து தெரிந்துக்கொள்ளலாம். சந்திரனுக்கும் சேர்த்து ஒரு வழிபாட்டை செய்வது போல ஆகிவிடும். இந்த வருடம் தோறும் அன்னபிரச்சினை இல்லாமல் வாழ்வதற்க்கு இதனை செய்யலாம்.


விரைவில் அம்மன் பூஜை செய்யப்படும். அம்மன் பூஜைக்கு காணிக்கை செலுத்துபவர்கள் செலுத்தலாம். 

அன்புடன்
ராஜேஷ்சுப்பு