மாந்தி பலன்

வணக்கம்!

         மாந்தி இரண்டில் நின்றால் என்ன பலன் என்பதை பார்த்து இருக்கிறோம். தொடர்ந்து அதனையே நாம் பார்க்கலாம். இரண்டாவது வீடு தனவீடு என்று சொல்லுகிறோம் அல்லவா. இரண்டாவது வீடு நன்றாக இருந்தால் அவருக்கு நல்ல பணம் வந்துக்கொண்டே இருக்கும் என்பது உங்களுக்கு தெரியும்.

இரண்டாவது வீடு இல்லை என்றால் பதினோறாவது வீட்டிற்க்கு வேலை இல்லாமல் போய்விடும். இரண்டாவது வீடு வழியாக பணம் வரும்பொழுது தான் பதினோறாவது வீடு பணத்தை லாபமாக மாற்றமுடியும்.

ஒரு சிலருக்கு மாந்தி பதினோறாவது வீட்டில் இருந்தால் பணம் வரும் என்று பொதுபலனாக சொல்லிவிடுவார்கள். நிறைய பணத்தை அவர்கள் சம்பாதிப்பார்கள் என்று சொல்லிவிடுவார்கள். அவர்களுக்கு இரண்டாவது வீடு நன்றாக இருக்கும்பட்சத்தில் மட்டுமே அவர்களும் லாபத்தை பார்க்கமுடியும். 

இரண்டாவது வீட்டில் மாந்தி இருந்தால் அவர்களுக்கு பணமே வராது என்று சொல்லிவிடமுடியாது. அவர் அவர்களின் ஜாதகத்தை பொறுத்த விசயம் அது. ஒரு சிலருக்கு நான் பார்த்தவரையில் அள்ளி அள்ளி கொட்டிக்கொடுத்து கொண்டும் இருக்கின்றது.

மிகப்பெரிய அளவில் பணத்தை இரண்டாவது வீட்டில் உள்ள மாந்தி கொடுத்து இருக்கின்றது என்பது தான் உண்மை. அவர்கள் என்ன செய்தார்கள் என்பதைவிட நிறைய பணத்தை அவர்கள் சம்பாதித்தது தெரிகிறது.

இரண்டில் உள்ள மாந்தி அடிக்கடி ஜாதகரை வெளியில் சென்று தங்கவும் வைப்பார். அது வேலை விசயமாகவும் இருக்கலாம் அல்லது ஏதாவது ஒரு காரணத்திற்க்காகவும் வெளியில் தங்கவைக்கிறார்.

அன்புடன்

ராஜேஷ்சுப்பு